Centros venceyaos

La Universidá d'Uviéu cunta con centros docentes de titularidá pública o privada venceyaos, qu'imparten estudios empobinaos al algame de títulos de calter oficial y con validez en tol territoriu nacional. El venceyamientu faise per conveniu, que requier el preste del Principáu d'Asturies, a propuesta del Conseyu de Gobiernu de la Universidá, llueu d'informe favoratible del Conseyu Social.

El Conseyu de Gobiernu de la Universidá ye'l muérganu encargáu de regular los requisitos de venceyamientu, obligaciones y compromisos del centru venceyáu y el conteníu necesariu de los convenios de venceyamientu. La Universidá ha mirar tanto pola calidá de los centros venceyaos como pol respetu a los finxos y principios universitarios. Güei, la Universidá d'Uviéu tien cuatro centros venceyaos.