Estudiantes visitantes

La Universidá d’Uviéu ufierta la posibilidá de cursar asignatures o cursos de les sos titulaciones a persones que tean interesaes n’enanchar conocimientos, siempres que cumplan los requisitos esixíos d’accesu

Les persones, españoles o estranxeres, interesaes n'enanchar conocimientos non conducentes a algamar títulos oficiales podrán solicitar matrícula estraordinaria n'asignatures o cursos aisllaos de les titulaciones ufiertaes pola Universidá d'Uviéu (Alcuerdu de Xunta de Gobiernu de 30/7/1996).

Requisitu: Acreitar que se tienen les condiciones necesaries p'acceder a los estudios universitarios oficiales nel país correspondiente. La matrícula entenderáse pal añu académicu pal que s'autorizare.

Les solicitúes presentaránse nel Rexistru Xeneral o nos Rexistros Auxiliares empobinaes al Vicerreutor d'Estudiantes, al que correspuende, previu informe del Decanu/Direutor del Centru, l'autorización de matrícula estraordinaria, que tará supeditada, en tou casu, a la capacidá docente del Centru nel que s'impartan les asignatures o cursos y al caráuter del estudiu solicitáu.

El procedimientu de xestión académica de la matrícula estraordinaria ta reguláu per Resolución del Rectoráu de la Universidá d'Uviéu de fecha 22 de mayu de 1997.

Documentación esixida pa facer la matrícula:

  • Españoles:
  • Tarxeta de PAU / Títulu universitariu o resguardu de solicitú / Títulu de Téunicu Superior..
  • Copia del D.N.I.
  • Estranxeros:
  • Tarxeta de Selectividá / Títulu universitariu / Certificación de ser universitariu nel país d'orixe.
  • Copia del Pasaporte.

Más información:

Tfnu.:
985 10 49 04
Fax:
985 10 39 33
Corréu electrónicu:
coie@uniovi.es