Cambéu d’estudios (treslláu d’espediente)

Con 30 creitos ECTS reconocíos n’estudios parciales de grau pue accedese a una titulación oficial. En casu de nun cuntar con esos creitos, l’estudiante habrá incorporase al procesu xeneral d’almisión. L’axudicación de plaza da llugar al treslláu del espediente académicu, qu’habrá tramitar la universidá de procedencia.

Tramites administrativosLos futuros alumnos con estudios universitarios parciales, a los que se-yos reconoza un mínimu de 30 creitos ECTS, podrán ser almitíos en titulaciones de grau. Los interesaos con estudios oficiales de grau parciales a los que nun se-yos reconozan creitos, por tratase d'estudios estremaos de los solicitaos, habrán incorporase al procesu xeneral d'almisión.

Per otru llau, pa los estudios de grau que tengan establecíes places llendaes, el Conseyu de Gobiernu de la Universidá d'Uviéu aprueba añalmente, a propuesta del decanu/direutor de Centru, un númberu máximu de places que puen ser cubiertes polos solicitantes que cumplan los requisitos.

La ordenación de les solicitúes d'almisión nestos estudios con places llendaes faise acordies coles preferencies que vienen darréu:

  • No que cinca a los estudios de grau qu'habiliten pal exerciciu d'una profesión regulada, tendrán prioridá los alumnos procedentes d'estudios de grau o de titulaciones de primer y/o segundu ciclu del catálogu qu'habiliten pal exerciciu de dicha profesión.
  • Darréu (o, en primer llugar, si los estudios de grau nun habiliten pa nenguna profesión regulada) figuren de mou preferente los estudiantes procedentes d'otros estudios de grau con competencies, resultaos de deprendizax y conteníos equivalentes a los espresaos nel plan formativu del grau, y de siguío los procedentes d'estudios non adautaos al Espaciu Européu d'Educación Superior (EEES) que se pudieren tresformar nos estudios de grau.
  • A lo cabero, tendrán preferencia los estudiantes vinientes d'estudios de grau pertenecientes a la mesma estaya de conocimientu que los estudios pa los que se solicita almisión, y tres ellos tolos estudiantes d'otros estudios de grau o d'otres titulaciones de primer y/o segundu ciclu del catálogu.

Dientro de caún de los grupos, les solicitúes ordénense pela nota media del espediente. L'axudicación de plaza da llugar al treslláu del espediente académicu correspondiente, qu'ha tramitase pola universidá y/o centru de procedencia, nel momentu que l'interesáu acreíte que lu almitieron n'estudios de la Universidá d'Uviéu.

Más información y contautu

Señes:
C.O.I.E. C/ González Besada, 13, 33007 Uviéu
Horariu d'atención al públicu:
9:30 h. a 14 h. (en xunetu y agostu de 9:30 h. a 13:30 h.)
Tfnu.:
985 10 49 04
Fax:
985 10 39 33
Corréu electrónicu:
coie@uniovi.es
Páxina web:
COIE