Pruebes d’Accesu a la Universidá (EBAU)

La PAU encartíyase en dos fases: xeneral y específica. L’estudiante que supera la fase xeneral (obligatoria pa toos) llogra l’accesu a la universidá española. La institución académica asturiana fai dos convocatories añales: en xunu y en xunetu

Prueba d'evaluación de Bachilleratu pal accesu a la Universidá

Orde ECD/1941/2016, de 22 d'avientu, pola que se determinen les característiques, el diseñu y el conteníu de la evaluación de Bachilleratu pal accesu a la Universidá, les feches máximes de realización y de resolvimientu de los procedimientos de revisión de les calificaciones llograes, pal cursu 2016/2017 (BOE 23/12/2016)

La prueba d'evaluación del Bachilleratu pal accesu a la Universidá entamada pola Universidá d'Uviéu y l'alministración educativa del Principáu d'Asturies va tener como acrónimo EBAU.

La prueba va constar de dos fases, una obligatoria pal accesu a la Universidá denominada fase d'accesu y una voluntaria denominada fase d'almisión.

Pa la fase d'accesu les pruebes van tratar sobre les materies xenerales del bloque de les asignatures troncales cursaes en segundu cursu de la modalidá de Bachilleratu escoyida pa la prueba.

Pa la fase d'almisión, los alumnos que quieran ameyorar la so nota d'almisión van poder esaminase de materies d'opción del bloque de les asignatures troncales de segundu cursu, que pueden ser cursaes o non cursaes. Coles mesmes, los alumnos van poder esaminase na fase d'almisión de les materies xenerales del bloque de les asignatures troncales de modalidá de segundu cursu non matriculaes na fase d'accesu, tal como se detalla na tabla d'asignatures axunta.

L'exerciciu de primera Llingua Estranxera tendrá de referise al idioma que cursara l'alumnu nel segundu cursu de Bachilleratu como primer Llingua Estranxera y nun va contener evaluación sobre espresión nin comprensión oral.

La fase d'accesu consta de cuatro materies; cuidao que toes elles tienen la considerancia d'obligatories, si l'alumnu nun se presenta al exame de dalguna materia, va entendese qu'abandona les pruebes.

P'ameyorar la nota d'almisión (fase d'almisión), podrá matriculase dende un mínimu d'una hasta un máximu de cuatro materies. Al alumnáu que nun se presente al exame de dalguna de les materies matriculaes na fase d'almisión va consideráse-y non presentáu na materia correspondiente y va calificáse-y namá aquella o aquelles materies a les que se presente.

Más información

Na Unidá d'Accesu del Vicerrectoráu d'Estudiantes (Cai González Besada nu 13 d'Uviéu)

Teléfono:
985 10 41 15
Correo electrónico:
selectividad@uniovi.es

Documentos

Documentos

Alumnos

Centros

Sedes EBAU y tribunales

Feches y Horarios

Normativa

  • Orden ECD/1941/2016, de 22 de diciembre, por la que se determinan las características, el diseño y el contenido de la evaluación de Bachillerato para el acceso a la Universidad, las fechas máximas de realización y de resolución de los procedimientos de revisión de las calificaciones obtenidas, para el curso 2016/2017.
  • Real Decreto-ley 5/2016, de 9 de diciembre, de medidas urgentes para la ampliación del calendario de implantación de la Ley Orgánica 8/2013, de 9 de diciembre, para la mejora de la calidad educativa.
  • Resolución de 1 de febrero de 2017, de la Consejería de Educación y Cultura, por la que se organiza la prueba de evaluación de Bachillerato para el acceso a la universidad correspondiente al año académico 2016-2017.
  • Real Decreto 310/2016, de 29 de julio, por el que se regulan las evaluaciones finales de Educación Secundaria Obligatoria y de Bachillerato
  • RD 412/2014, de 6 de junio, por el que se establece la normativa básica de los procedimientos de admisión a las enseñanzas universitarias oficiales de Grado (BOE 7-6-2014)