Procedimientu d'accesu d'estudiantes Mayores de 45 años

La prueba d’accesu pa mayores de 45 años acreíta pal ingresu n’estudios de grau d’esta universidá. L’aspirante tendrá que facer un comentariu de testu o d’un tema d’actualidá, un exerciciu de llingua castellana y una entrevista personal.

La Universidá d'Uviéu convoca añalmente una prueba d'accesu pa mayores de 45 años, empobinada a les persones que cumplieren o vayan cumplir esta edá durante l'añu de la prueba, y que nun tean en posesión d'otra vía d'accesu a la universidá (PAU, Ciclos Formativos de Grau Superior…).

La prueba consta de dos exercicios (un comentariu de testu o'l desendolcu d'un tema xeneral d'actualidá y un exerciciu de llingua castellana) y d'una entrevista personal. La calificación final vendrá determinada pola media de les calificaciones algamaes nos exercicios, calificaes de 0 a 10. El candidatu superará la prueba cuando algame un mínimu de 5 puntos na calificación final (siempres que s'algame un mínimu de 4 puntos en cada exerciciu) y, arriendes d'ello, algamare la resolución de "aptu" na entrevista personal.

Consulta de notes y solicitú de revisión

Los candidatos van poder realizar la prueba d'accesu pa mayores de 45 años en cada convocatoria nes Universidaes de la so elección, siempres qu'esistan néstes los estudios que deseyen cursar; la superación de la prueba acredita pal ingresu namá a les Universidaes nes que realizaren la prueba, y da accesu directu a aquellos estudios que nun tienen llende de places, nos que la matrícula va poder realizase directamente. Tocantes a los estudios con llende de places, va acutase un mínimu d'un 1% y un máximu d'un 3% del total de places ufiertaes pa cada estudiu, y nellos riquiráse preinscripción.

Una vez superada la prueba d'accesu, los candidatos van poder presentase de nuevu en socesives convocatories na mesma Universidá, cola cuenta d'ameyorar la calificación. va tomar en considerancia la calificación llograda na nueva convocatoria, siempres qu'ésta sía cimera a l'anterior.

Col envís de facilitar la superación de los exámenes correspondientes a la prueba d'accesu pa mayores de 45 años, la Universidá d'Uviéu entama un cursu preparatoriu.

Más información

Na Unidá d'Accesu del Vicerrectoráu d'Estudiantes (Cai González Besada nu 13 d'Uviéu)

Teléfonu:
985 10 41 15
Corréu electrónicu:
selectividad@uniovi.es

Lexislación

  • Resume de la prueba
  • Decretu 135/2009, de 28 d'ochobre, de desenvolvimientu de la normativa reguladora de les pruebes d'accesu a la Universidá pa mayores de 25 y de 45 años (Conseyería d'Educación y Ciencia - BOPA 10-11-2009)
  • RD 412/2014, de 6 de xunu, pol que s'establez la normativa básica de los procedimientos d'almisión a les enseñances universitaries oficiales de Grau (BOE 7-6-2014).