template-browser-not-supported
Close

Prueba de acceso a la Universidad (EBAU)

Estudia

Rellacionaos

Prueba d’accesu a la universidá (EBAU)

Imagen Prueba d’accesu a la universidá (EBAU)

La prueba d'Evaluación del Bachilleratu pal Accesu a la Universidá entamada pola Universidá d'Uviéu y l'alministración educativa del Principáu d'Asturies tien como acrónimu EBAU.

La prueba consta de dos fases, una obligatoria pal accesu a la universidá denominada fase d'accesu y una voluntaria denominada fase d'almisión.

Pa la fase d'accesu les pruebes van tratar sobre les materies xenerales del bloque de les asignatures troncales cursaes en segundu cursu de la modalidá de Bachilleratu escoyida pa la prueba.

Pa la fase d'almisión, los alumnos que quieran meyorar la so nota van poder esaminase de materies d'opción del bloque de les asignatures troncales de segundu cursu, que pueden ser cursaes o non cursaes. Coles mesmes, los alumnos van poder esaminase na fase d'almisión de les materies xenerales del bloque de les asignatures troncales de modalidá de segundu cursu non matriculaes na fase d'accesu, acordies se detalla na tabla d'asignatures anexa.

L'exerciciu de primera llingua estranxera tendrá de referise al idioma que cursara l'alumnu nel segundu cursu de Bachilleratu como primer llingua estranxera y nun va contener evaluación sobre espresión nin comprensión oral.

La fase d'accesu consta de cuatro materies; puesto que toes elles tienen la consideración d'obligatories, si l'alumnu nun se presenta al exame de dalguna materia, va entendese qu'abandona les pruebes.

Pa meyorar la nota d'almisión (fase d'almisión), podrá matriculase dende un mínimu d'una hasta un máximu de cuatro materies. Al alumnáu que nun se presente al esame de dalguna de les materies matriculaes na fase d'almisión va considerase como non presentáu na materia correspondiente y va calificáse-y namás aquella o aquelles materies a les que se presente.

Estudiantes procedentes de sistemas educativos estranxeros

Unidá d’Accesu del Vicerrectoráu d’Estudiantes

  • Dirección: Calle González Besada nº 13 de Uviéu
  • Teléfonu: 985 10 41 15
  • Corréu electrónicu: selectividad@uniovi.es

Documentos

Alumnos

Fechas y Horarios

Centros

Sedes EBAU Y TRIBUNALES

Normativa

  • Orden PCM/63/2023, de 25 de enero, por la que se determinan las características, el diseño y el contenido de la evaluación de Bachillerato para el acceso a la universidad, y las fechas máximas de realización y de resolución de los procedimientos de revisión de las calificaciones obtenidas, en el curso 2022-2023.
  • Ley Orgánica 3/2020, de 29 de diciembre, por la que se modifica la Ley Orgánica 2/2006, de 3 de mayo, de Educación
  • Decreto 68/2018, de 14 de noviembre, por el que se crea la Comisión organizadora de la evaluación de bachillerato para el acceso a la Universidad y se regula su funcionamiento.
  • Real Decreto 310/2016, de 29 de julio, por el que se regulan las evaluaciones finales de Educación Secundaria Obligatoria y de Bachillerato
  • RD 412/2014, de 6 de junio, por el que se establece la normativa básica de los procedimientos de admisión a las enseñanzas universitarias oficiales de Grado (BOE 7-6-2014)

Matrícula de alumnos llibres al traviés del Vicerrectoráu d’Estudiantes

Les persones que remataren los sos estudios en cursos anteriores y/o quieran meyorar la calificación llograda na convocatoria ordinaria van poder inscribise pa les pruebes pola so cuenta como estudiantes llibres na Unidá d'Accesu del Vicerrectoráu d'Estudiantes, C/ González Besada, nº 13 – Planta Baxa, 33007 Uviéu.

Va tomase en consideración la calificación llograda na nueva convocatoria, siempre qu'esta sía superior a l'anterior. Pa meyorar la nota de la fase d'accesu les persones interesaes tendrán de presentase a les cuatro asignatures que conformen la prueba, nun pudiendo facelo n'asignatures individuales. Pa meyorar la nota de les asignatures de la fase d'almisión podrán esaminase de les asignatures de la fase que deseen.

FORMALIZACIÓN DE LA MATRÍCULA:

Tendrán de realizar la matrícula presencialmente, solicitú de cita previa en: https://ssweb.seap.minhap.es/icpplus/citar?org=UOVI

D'ente los ámbitos disponibles tendrá d'escoyer XESTIÓN D'ESTUDIANTES; darréu va tener qu'escoyer UNIDÁ D'ACCESU – INSCRIPCION EN PRUEBES D'ACCESU A LA UNIVERSIDÁ.

DOCUMENTOS NECESARIOS PA FORMALIZAR LA MATRÍCULA:

  • Impresu de solicitú de matrícula debidamente rellenáu (formatu DinA3 o DinA4, disponibles na web).
  • Fotocopia del D.N.I., N.I.Y., o nel so casu, pasaporte.
  • Certificación académica del centru onde rematara los estudios, nel que figuren: la nota de les asignatures y la nota media de Bachilleratu o CFGS y la fecha de solicitú del títulu.
  • En casu de contar colos beneficios de familia numberosa, fotocopia compulsada del carné (a valir); nel so defectu, certificáu expedíu pola Conseyería d'axuntar los requisitos.
  • A les persones con necesidaes educatives específiques (NEE) o necesidaes específiques de sofitu educativu (NEAE), que soliciten adaptación de la prueba, van aplicáse-yos les adaptaciones realizaes a lo llargo de la etapa educativa previa. Tendrán d’apurrir l'informe sicopedagóxicu del equipu d'orientación del centru y, nel so casu, la condición de discapacidá apurriendo'l certificáu, dictame o procedimientu de valoración realizáu pol órganu competente de la comunidá autónoma.
  • Quien sían beneficiarios de la prestación del ingresu mínimu vital o del salariu social básicu tendrán d'acreditar tala condición por aciu de cualesquier documentu de valor probatoriu.

Presentada l'anterior documentación, va facilitase la carta de pagu cola qwue pagar les tases correspondientes. Validada esta pola entidá bancaria que se señale, tendrán d'apurrir copia de la mesma pa la so incorporación a la matrícula. Tamién va poder efectuar el pagu al traviés d'un caxeru automáticu (van incluise los datos que figuren na carta de pagu: referencia, importe, etc.), o per pagu telemáticu (dellos bancos dexen esta opción al traviés de la so páxina web, que va ser asemeyada al pagu en caxeru automáticu).

Destacamos
Recursos
Web