Accesu al doctoráu

Los estudios de doctoráu tienen como finxu la formación avanzada del estudiante en téuniques d’investigación. Estos programes tienen un periodu de formación y un periodu d’investigación.

Doctorado

P'acceder al programa de doctoráu nel so periodu d'investigación ye necesario tar en posesión d'un títulu oficial de máster universitariu o otru del mesmu altor llibráu per una institución d'educación superior del EEES. Arriendes d'ello, podrán acceder los que tean en posesión d'un títulu llográu acordies con sistemes educativos ayenos al EEES, ensin necesidá d'homologación, pero llueu de comprobar que'l títulu acreíta un nivel de formación equivalente a los correspondientes títulos españoles de Máster Universitariu y que faculta nel país llibrador del títulu pal accesu a estudios de doctoráu. Esta almisión nun lleva arreyáu en nengún casu la homologación del títulu previu del estudiante.

Del mesmu mou podrán acceder los que:

  • Superaren 60 creitos incluyíos nún o más Másteres Universitarios.
  • Tean en posesión d'un títulu de Graduáu con una duración que seya pelo menos de 300 creitos.
  • Tean en posesión del DEA (Diploma d'Estudios Avanzaos) algamáu acordies col RD 778/98 o qu'algamaren la suficiencia investigadora acordies col RD 185/85.

Amás, la Universidá d'Uviéu establez que pa que l'estudiante seya almitíu nel periodu d'investigación, tuvo de cursar un mínimu de 300 ECTS ente los sos estudios de grau y posgráu oficial o actividá formativa universitaria considerada equivalente en cuantes a la duración n'años.

A estos efeutos usaránse les equivalencies que vienen darréu:

  • Llicenciáu/Inxenieru/Arquiteutu o equivalente: 240 creitos ECTS de grau.
  • Diplomáu/Inxenieru téunicu/Arquiteutu téunicu: 180 creitos ECTS de grau.
  • Periodu docente d'un Programa de Doctoráu acordies col RD 778/1998 o equivalente: Hasta un máximu total de 30 créditos ECTS de posgráu oficial.
  • Dos años de formación nun programa p'algamar el títulu oficial de dalguna de les especialidaes en Ciencies de la Salú: Hasta un máximu de 60 creitos de posgráu.

Procedimientu d'almisión

Más información

Centru Internacional de Posgráu:
seccion.doctorado@uniovi.es