Ayudes a estudiantes

La Universidá d’Uviéu convoca cada añu ayudes pa viaxes académicos de los sos alumnos, pal tresporte de los estudiantes con discapacidá o d’aquellos que faen práutiques esternes, pa facer proyeutos o actividades d’interés pa la comunidá, lo mesmo que pa estudiantes en situaciones específiques d’urxente necesidá.

Ayudes xenerales a estudiantes

Les ayudes a estudiantes de la Universidá d'Uviéu financien la realización de viaxes d'interés académicu, el tresporte pa la fechura de práutiques esternes que precisen desplazamientu, la realización de proyeutos o xeres culturales y académiques d'interés pa la comunidá universitaria, la presentación de comunicaciones en congresos y xuntes (nun pudiendo ser beneficiarios de les mesmes estudiantes de doctoráu) y l'asistencia de representantes d'alumnos a aconceyamientos nacionales o internacionales d'organizaciones estudiantiles.

Caúna de les modalidaes d'ayudes mentaes pue necesitar l'informe favoratible d'un profesor, un grupu de profesores o del decanu o direutor del Centru en cuestión, según el casu.

Ayudes a estudiantes en situaciones económiques d'urxente necesidá

La Universidá d'Uviéu da ayudes a estudiantes que llueu d'entamar cursu académicu, s'atopen con situaciones económiques remanceíes d'urxente necesidá. Estes ayudes tán destinaes a financiar l'importe dafechu o de parte del pagu de la matrícula. La concesión d'estes ayudes, empobinaes a alumnos de grau, podrá compatibilizase con otres convocatories d'ayudes a estudiantes de la Universidá d'Uviéu.

Ayudes al tresporte pa estudiantes con discapacidá

Esta convocatoria d'ayudes empobínase a estudiantes con movilidá física amenorgada darréu d'una discapacidá reconocida, con un grau de minusvalía igual o superior al 33%. Los solicitantes han tar matriculaos n'estudios oficiales impartíos en centros de la Universidá d'Uviéu, quedando escluyíos los títulos propios. La concesión d'estes ayudes, pola so propia naturaleza y aplicación, podrá compatibilizase con otres convocatories d'ayudes a estudiantes de la Universidá d'Uviéu y, en particular, con otres ayudes que pudieren percibise pal mesmu oxetu concedíes por organismos públicos o privaos.