Noticias

  • La Universidá súmase a la Selmana de los Premios Princesa d'Asturies con un ampliu programa d'actos

    19 de Ochobre 2015

    Proyecciones de cine, alcuentros con estudiantes y profesores, conferencies, almuerzos científicos y meses redondes van averar a los galardonaos al públicu. Los actos, entamaos pola Fundación Princesa d'Asturies en collaboración cola institución académica asturiana, van desenvolver nel Centru Cultural d'Estensión Universitaria LAUDEO y en distintos campus y centros universitarios.

    Esti completu programa ye frutu de la collaboración ente la Fundación Princesa d'Asturies, organizadora de los galardones, y l'institución académica asturiana.

    Los Premios Princesa d'Asturies de Comunicación y Humanidaes, Investigación Científica y Técnica, Lletres, Cooperación Internacional y Ciencies Sociales van visitar la Universidá d'Uviéu pa protagonizar distintos actos culturales y científicos nos campus universitarios y nel Centru Cultural d'Estensión Universitaria LAUDEO (Edificiu Históricu), onde tamién se proxectarán cuatro películes del Premio Princesa d'Asturies de les Artes. Esti completu programa ye frutu de la collaboración ente la Fundación Princesa d'Asturies, organizadora de los galardones, y l'institución académica asturiana.

    La Selmana de los Premios Princesa d'Asturies na Universidá d'Uviéu inclúi distintes actividaes abiertes al públicu, que van dexar, por casu, averase al cine de Francis Ford Coppola con proyecciones el llunes y el martes na Aula Severu Ochoa de LAUDEO. Como prólogu y complementu a esta iniciativa venceyada al Premio Princesa d'Asturies de les Artes, la pasada selmana, la Facultá de Derechu celebró una mesa redonda sol títulu "Cavilgues xurídiques en redol a El Padrín", y la Facultá de Filosofía y Lletres, el coloquiu "Visiones en redol a Coppola".

    Los galardonaos van caltener estos díes alcuentros cola comunidá universitaria en distintos formatos y prácticamente toos abiertos al públicu. Emilio Lledó, Premio Princesa d'Asturies de Comunicación y Humanidaes, va charrar con estudiantes y profesores del Campus d'El Milán el miércoles pela mañana, y, pela tarde, una conferencia abierta al públicu en LAUDEO.

    Les galardonaes col Premiu Princesa d'Asturies d'Investigación Científica y Técnica, van participar nun alcuentru a puerta zarrada con investigadores el xueves y, darréu, van ufiertar una conferencia na Facultá de Bioloxía. Esi mesmu día, el Premiu Princesa d'Asturies de les Lletres, Leonardo Padura, va intervenir nun actu nel Campus d'Humanidaes, ente qu'Esther Duflo, Premio Princesa d'Asturies de Ciencies Sociales, va dictar una conferencia na Facultá d'Economía y Empresa. Tamién el xueves, 22 d'ochobre, los representantes de Wikipedia van treslladar al Campus de Xixón pa participar nuna mesa redonda.

    Imaxes banner

    Premiaos: Wikipedia, Leonardo Padura, Jennifer Doudna, Emmanuelle Charpentier, Esther Duflo, Emilio Lledó y Francis Ford Coppola

    Fundación Princesa d'Asturies, © Daniel Morzinski, © Peter Tenzer, © Marta Jara y © Mihai Malaimare, JR


Buscar