Noticias

  • Universia premia a tres profesores de la Universidá d'Uviéu pol so espardimientu dixital de materiales docentes n'abiertu

    12 de Mayu 2011

    Alministración de Servidores Web y Cristalografía consiguen dos talos accésits na IV Edición de los Premios ME-UNIVERSIA a la iniciativa OCW (OpenCourseWare).

    El profesores d'informática, José Manuel Redondo López y Francisco Ortín Soler, y la profesora de Xeoloxía, Celia Marcos Pascual, toos ellos de la Universidá d'Uviéu, llograron dos talos accésits na edición de 2010 de los Premios ME-UNIVERSIA a la iniciativa OCW. Trátase d'unos galardones que pretenden promover l'espardimientu dixital n'abiertu de materiales docentes, estructurados n'asignatures, utilizaos pol profesoráu de les universidaes españoles.

    Los premios se apurrieron nel marcu de la XI Xunta Xeneral d'Accionistes de Universia, que se celebró en Zaragoza. Cada accésit ta dotáu con 3.000 euros y un diploma pa los autores de l'asignatura galardonada. José Manuel Redondo López y Francisco Ortín Soler ellaboraron los conteníos de l'asignatura d'Alministración de Servidores Web, que participaba dientro de la área de conocencia d'Arquitectura ya Inxeniería. Celia Marcos Pascual ye la encargada de los conteníos de Cristalografía, incluyida pol certame na área de conocencia de Ciencies.

    Tantu eses como otra trentena d'asignatures cunten con materiales abiertos a tol mundu nel sitiu web OCW de la Universidá d'Uviéu, que xestiona'l Centru d'Innovación de la Universidá. Ye una iniciativa mundial que surdió nel Institutu Tecnolóxicu de Massachussets (MIT) en 2001 y que xeneró l'agrupación d'universidaes d'altu prestíu internacional en redol al Consorciu OpenCourseWare. La Universidá d'Uviéu foi la primer organización n'afaer y utilizar Moodle como sitiu OCW. Dexa que'l profesoráu publique los conteníos nuna plataforma cómodo y flexible, y convirtióse nun modelu de referencia pa munches otres universidaes. Eses asignatures son, coles mesmes, visibles en OpenCouseWare Universia.


Buscar