Noticias

  • Una investigadora de la Universidá d'Uviéu gana'l concursu de pósteres de les Xornaes doctorales del G-9

    18 de Payares 2013

    La tesis de Marlen López Fernández analiza les aplicaciones qu'elementos naturales como les fueyes o les granes tienen na fabricación de fachaes o zarros esteriores

    Marlen López Fernández xuntu al póster que resume la so tesis.

    Les Xornaes Doctorales del G-9, celebraes la pasada selmana na Universidá d'Estremadura, premiaron el póster de Marlen López Fernández, investigadora de la Universidá d'Uviéu, sobre'l Estudiu y Esploración d'Envolventes na Naturaleza.

    La tesis de Marlen López Fernández, dirixida pol profesor Ramón Rubio, sigue una llínea d'investigación de ecodiseño pa comprobar cómo pueden aprovechase les propiedaes d'elementos como les fueyes o les granes pa diseñar y fabricar zarramientos esteriores d'edificios. El comportamientu d'estos envolventes naturales ante l'agua, la presión o'l sol respuende a una adaptación plena a la redolada y, por tanto, la so aplicación a la fabricación de nuevos materiales pa fachaes o zarros esteriores resulta especialmente interesante.

    El póster, ganador del premiu concedíu por votación popular ente'l restu de doctorandos participantes nel alcuentru, plantega como cuestión de partida si ye posible llograr una mayor eficiencia y rendimientu na construcción de zarramientos esteriores n'edificios, según aspeutos estructurales y ambientales, si construyimos sistemes envolventes como los que la naturaleza xenera, que son frutu d'una total interacción cola redolada, en cuenta de construyir fachaes siguiendo los procesos tradicionales.

    El trabayu de Marlen López empresta especial atención al calter multidisciplinar de la so investigación, que aúna conocencies de bioloxía, arquitectura o inxeniería de fabricación. La doctoranda desenvuelve'l so trabayu como investigadora asociada del grupu IDEASCAD na Escuela Politécnica d'Inxeniería de Xixón.

    Documentos Rellacionaos:


Buscar