Noticias

  • Una esposición itinerante avera a los alumnos l'Estatutu del Estudiante

    31 de Xineru 2012

    L'amuesa inclúi paneles y vídeos esplicativos y va percorrer tolos centros hasta'l 29 de marzu.

    Un intre de la presentación

    El rector, Vicente Gotor, inauguró esta mañana na Facultá d'Economía y Empresa una esposición itinerante que pretende averar al alumnáu'l conteníu y el significáu del Estatutu d'Estudiante. Acompañaron al rector nel curtiu actu d'inauguración el vicerrector d'Estudiantes y Empléu, Luis Rodríguez; el decanu de la Facultá d'Economía y Empresa, Manuel González Díaz, y el director de Servicios Universitarios, Eduardo Rodríguez.

    L'amuesa, entamada pol Vicerrectorado d'Estudiantes y Empléu, consta de cinco paneles esplicativos que destaquen conteníos clave del Estatutu del Estudiante como la ufierta académica, la importancia de la movilidá, los derechos d'autor sobre los trabayos d'investigación realizaos, los mecanismos de participación estudiantil o les posibilidaes esistentes pa llograr práctiques y compatibilizar el mundu llaboral y el formativu.

    Amás, la esposición inclúi la proyección d'una serie de vídeos nos que los mesmos alumnos de la Universidá espliquen dalgunos de los aspeutos más importantes que'l testu normativu recueye y qu'afecten directamente a los derechos y deberes del alumnáu. Los 17 vídeos qu'integren la esposición, según tola información sobre l'Estatutu d'Estudiante puede consultase amás na web http://estatutoestudiante.uniovi2masd.com/

    La esposición va permanecer na Facultá d'Economía y Empresa hasta'l 3 de marzu; depués va treslladase a la Facultá de Derechu (6-8 marzu), Facultá de Química (9-10 de marzu), Escuela Politécnica d'Inxeniería de Xixón (13-15 de marzu), Facultá de Comerciu, Turismu y Ciencies Sociales Xovellanos (16-17 de marzu), Facultá de Filosofía y Lletres (20-21 de marzu), Facultá de Formación del Profesoráu y Educación (22-23 de marzu) y a la Escuela Politécnica de Mieres (27-29 de marzu.)

    Enllaces Rellacionaos:


Buscar