Noticias

  • Una estudiante de la Universidá d'Uviéu gana l'II Concursu Nacional de Elevator Pitch pa Entamadores

    30 de Mayu 2014

    Ainhoa Cid del Valle superó la fase final col proyectu Karten, una inciativa empresarial sobre técniques de teledetección y sistemes d'información xeográfica

    La premiada, Ainhoa Cid, con Ramón Sotomayor (a la so derecha), Agustín Iglesias Caunedo y Vicente Gotor.

    Una estudiante de la Universidá d'Uviéu resultó ganadora del II Concursu Nacional de Elevator Pitch pa Entamadores, que la so fase final celebróse na Turria de la Ería, n'Uviéu. Ainhoa Cid del Valle, estudiante del Máster universitariu en Teledetección y Sistemes d'Información Xeográfica, foi estremada pol so proyectu Karten, una iniciativa empresarial que yá punxeron en marcha y tien como oxetivu estrumir al máximu'l potencial de les técniques de Teledetección y los Sistemes d'Información Xeográfica (SIG).

    L'oxetivu d'esta idea empresarial ye ufiertar servicios como la ellaboración de mapes intelixentes a midida, l'analís xeográficu para tomar de decisiones de negociu, xestión d'infraestructures deportives, etc. Los impulsores de Karten trabayen agora  nel desenvolvimientu del so propiu nanosatélite, col fin de consiguir imaxes propies pa la teledetección. Esti proyectu yá foi reconocíu va escases selmanes col Premiu Uniproyecta del portal Universia y la Rede Universitaria d'Asuntos Estudiantiles (RUNAE), y el segundu premiu nel Concursu d'Idees Empresariales.

    Esta iniciativa ta patrocinada por ThyssenKrupp y entamada pola Asociación de Viveros ya Incubadores d'Empreses. El rector, Vicente Gotor; l'alcalde d'Uviéu, Agustín Iglesias Caunedo; y el presidente executivu de Thyssenkrupp pal Sur d'Europa, África y Oriente Mediu, Ramón Sotomayor, fixeron entrega de los premios d'esta segunda edición del certame.

    El pasáu día 23 celebróse la primer semifinal en Madrid d'esta iniciativa que busca ayudar al máximu númberu  d'entamadores españoles, al traviés de la formación nel usu del Elevator Pitch, arma definitiva pa tener posibilidaes de llograr financiamientu, consiguir bonos provisores o captar l'interés de los veceros.

    En total, ta segunda edición cuntó con más de 600 participantes inscritos, 21 sesiones presenciales y la collaboración de delles universidaes, los principales centros de emprendimiento del país y 300 viveros ya incubadores d'empreses a lo llargo de tola xeografía nacional.

    El Elevator Pitch ye un discursu d'un minutu de duración nel que cada entamador trata de captar l'atención d'un posible inversor pa llograr una entrevista posterior onde esplicar la so idea y el so proyectu.


Buscar