Noticias

  • Una delegación queñana visita la Universidá d'Uviéu pa estrechar llazos de cooperación

    17 de Xunetu 2014

    La comitiva del condáu de Bungoma, de visita institucional n'Asturies, quier establecer collaboraciones cola institución académica asturiana

    La delegación nuna semeya de familia nel patiu del Edificiu Históricu.

    El rector dela Universidá d'Uviéu, Vicente Gotor, recibió a una delegación del condáu de Bungoma, en Queña, encabezada pol so gobernador Makelo Kenneth Lusaka. La visita busca estrechar llazos ente la institución académica asturiana y l'Universidá de Bungoma. La delegación caltuvo un alcuentru col Rector nel so despachu oficial y más tarde tuvo la oportunidá de visitar la Biblioteca Central nel Edificiu Históricu. Al alcuentru tamién allegaron la directora de la Oficina de Internacionalización, Leticia Santos, el director d'área pa Iberoamérica y el restu del mundu, Alberto Fernández Costales.

    La comitiva del país africanu permanez n'Asturies unos díes pa cerrar tamién alcuerdos de collaboración col Principáu d'Asturies en materia d'industria, salú, turismu y xestión de borrafes.

    L'equipu de xestión de condáu de Bungoma busca establecer asociaciones con rexones nel ámbitu internacional que cunten coles meyores práctiques o modelos de xestión n'árees clave. La comitiva africana busca socios dientro de diversos sectores, ente los que s'atopa la educación cimera.


Buscar