Noticias

  • Un total de 36 estudiantes europeos conclúin el primer máster virtual ufiertáu pola Universidá d'Uviéu

    15 de Xunu 2016

    Los alumnos consiguieron la reconocencia de los creitos nos sos espedientes académicos como si cursaren un programa erasmus

    Curso de formación para profesores realizado en Oviedo.
    La primer promoción d'estudiantes del proyectu de movilidá virtual OUVM (Opening Universities for Virtual Mobility), un programa de máster online en Ciencies Sociales, acaba de concluyir los sos estudios. 36 estudiantes procedentes de distintos países europeos  completaron la ufierta formativa, na que participa la Universidá d'Uviéu, y consiguieron la reconocencia de los creitos nos sos espedientes académicos como si cursaren un programa erasmus.
     
    El proyectu OUVM, dirixíu pola Universidá Vytautas Magnus de Lituania, ye'l primeru nel que participa la Universidá d'Uviéu que propón la movilidá virtual dientro de la enseñanza de los másteres. L'actividá principal d'esti programa, qu'empezó va dos años, consistió en diseñar un currículum d'asignatures en collaboración ente el profesores de los cinco instituciones representaes: Universidá d'Uviéu, Vytautas Magnus (Lituania), Aberta (Portugal), Leuven (Bélxica) y Pavía (Italia).
     
    Una de les principales novedaes d'esti proyectu con al respective de otros realizaos con anterioridá na Universidá d'Uviéu foi la puesta en marcha de formación específica pa profesores mientres tres semana. Pa ello impartieron trés cursos de formación intensiva d'una selmana de duración cada unu d'ellos en tres materies distintos:
    • Diseñu y desenvolvimientu del currículum dientro de la movilidá virtual, impartíu en Lituania.
    • Recursos educativos abiertos, impartíu en Lisboa.
    • Llicencies Creative Commons, impartíu n'Uviéu.
    Estos cursos, amás d'ufiertar conteníos rellacionaos col diseñu de los materiales pal desenvolvimientu del proyectu, dexaron que el profesores puedan conocese personalmente y trabayar de mancomún pal diseñu conxuntu de les asignatures.
     
    El númberu total de materies ufiertaes foi de 11, pertenecientes a másteres de la área de les Ciencies Sociales. En concretu, la Universidá d'Uviéu impartió dos asignatures de la ufierta formativa del Máster Universitariu en Formación del Profesoráu d'Educación Secundaria Obligatoria, Bachilleratu y Formación Profesional. Estos dos materies –Tecnoloxíes de la Información y de la Comunicación y Aprendizaxe y Desenvolvimientu de la Personalidá—fueron cursaes por 16 estudiantes pertenecientes a la Universidá Alberta de Portugal y a la Universidá Vytautas Magnus de Lituania.
     
    El proyectu OUVM va ser presentáu en xunetu en Almería coincidiendo coles XXII Xornaes sobre la Enseñanza Universitaria de la Informática (JENUI 2016).

Buscar