Noticias

  • Un alumnu de la Facultá de Filosofía y Lletres gana'l Premiu de Poesía Nueva "Antonio Carvajal"

    19 de Setiembre 2014

    Xaime Martínez, qu'en 2012 foi galardonáu nel Concursu Lliterariu Universidá d'Uviéu, va ver publicada la so obra 'Fueu cruciáu' na Editorial Hiperión

    Xaime Martínez.

    Xaime Martínez (Uviéu, 1993), estudiante del Grau en Llingua Española y les sos Lliteratures de la Universidá d'Uviéu, recibió'l XVII Premiu de Poesía Nueva "Antonio Carvajal", pola obra Fueu cruzao. Esti galardón, convocáu pol Conceyu de Albolote  (Granada) y empobináu a escritores de menos de 25 años, premia al ganador con 1.200 euros y cola publicación del so llibru na Editorial Hiperión.

    L'autor yá foi reconocíu en 2012 nel II Concursu Lliterariu Universidá d'Uviéu, tantu nel apartáu de poesía, por El tangu de Penélope, como nel de prosa, por Los trés mil cuento de Marcelino Tongu, esti postreru escritu al pie de Diego Álvarez Miguel. Dambes obres fueron publicaes pola editorial de la Universidá d'Uviéu.

    Martínez, que tamién ye músicu, lletrista y cantante del grupu La Bande, define Fueu cruzao como "una equiparación de los mitos clásicos colos mitos de la era postmoderna". Ente la lliteratura que más-y interesa atópase la poesía norteamericana –por casu Raymond Carver y Billy Collins–, y ente los sos referentes asturianos atópense Ángel González y Víctor Botes. 


Buscar