Noticias

  • Trenta estudiantes de bachilleratu empecipien el Campus Científicu de Branu ‘Ad Futurum'

    19 de Xunetu 2011

    La Universidá d'Uviéu inaugura la segunda vez d'esta iniciativa braniza que pretende potenciar l'interés de los mozos pola ciencia, la tecnoloxía y l'innovación.

    Inauguración del Campus

    La Universidá d'Uviéu acaba de recibir a la segunda vez de moczos y moces que participen nos sos Campus Científicos de Branu. El rector, Vicente Gotor, y la vicerrectora del Campus d'Excelencia Internacional, Paz Suárez Rendueles, dieron la bienvenida esta mañana a una trentena de rapaces de primer cursu de bachilleratu, que mientres dos semana van averar al mundu de la ciencia de la mano de profesores de la Universidá d'Uviéu y de centros d'educación secundaria del Principáu.

    Procedentes de distintes comunidaes autónomes, los estudiantes superaron un duru procesu de selección. El rector y la vicerrectora del Campus d'Excelencia Internacional animáron-yos a aprovechar esta esperiencia, que quiciabes-yos sirva nun futuru cercanu pa escoyer una carrera universitaria.

    Cuatro proyecto p'averase a la ciencia


    Los mozos van poder esfrutar de la investigación científica al traviés de la so participación activa dos de los cuatro proyectos especialmente diseñaos pa estos campus científicos:

    • L'home y la tierra: Escuela de Xeoloxía
    • Bases científiques de les investigaciones criminalísticas
    • La inxeniería electrónica na vida cotidiana
    • El llinguaxe de les célules

    Cada proyectu consta de cuatro fases de desenvolvimientu que consisten en charres y clases teóriques, trabayos de campu y/o llaboratoriu, técniques de comunicación y divulgación de la ciencia, presentación y esposición final de resultancies, y actividaes complementaries científicu-culturales y d'ociu.

    El vienres, 15 de xunetu, los estudiantes de la primer vez d'estos campus: 30 alumnos de 4º cursu d'Educación Secundaria Obligatoria (ESO) procedentes de distintes comunidaes, espunxeron los sos trabayos como broche final a la so participación nel campus científicu ‘Ad Futurum'.

    ‘Ad Futurum', un campus con alta demanda


    Los Campus Científicos de Branu son una iniciativa de la Fundación Española pa la Ciencia y la Tecnoloxía (FECYT) y el Ministeriu d'Educación, col sofitu de la Obra Social "la Caixa". Nesta segunda edición, el programa recibió más de 7.200 solicitúes pa 1.200 places nos 20 Campus d'Excelencia Internacional de les universidaes españoles. El proyectu Ad Futurum, del CEI de la Universidá d'Uviéu, foi unu de los campus más solicitaos. 3.177 mozos compitieron por una de les 60 places n'Asturies. Cada estudiante podía marcar un máximu de cinco Campus d'Excelencia, lo que significa que más del 44% de los mozos escoyeron ente les sos opciones el campus asturianu, según datos facilitaos pola FECYT.

    Imaxes:

    Enllaces Rellacionaos:


Buscar