Noticias

  • El concursu 'Llanta'l to diseñu' yá tien ganadores

    01 de Xunu 2012

    Tratábase de presentar idees pal diseñu del escaparate de la see del Vicerrectorado d'Estudiantes

    "O3: Universidá al cubu: Una espresión funcional" ye'l proyectu que s'alzó col primer premiu del concursu Llanta'l to diseñu, una convocatoria del Vicerrectorado d'Estudiantes que promovio la presentación d'idees pal escaparate de la entrada de la see d'esti organismu, na cai González Besada d'Uviéu. Los autores del proyectu, Mariano González, Pelayo José Bernardo y Noelia Castro, van esfrutar cada unu d'un tablet iPad2 y van recibir amás un diploma acreditativu.

    El xuráu d'esti certame concedió'l segundu premiu al equipu integráu por Gerardo García, Radamés Hurlé ya Iván González, pola so propuesta "Infórmate, proxecta'l to futuru". El premiu pa ellos consiste nun smartphone y diploma acreditativu, pa cada unu. A lo último, reciben accésit en forma de diploma los trabayos de Maite Ania, Gonzalo González y Sarai Allende ("Futurum. Asómate al to futuru"); y Cristina Álvarez, Laura Argüelles y Jennifer Judith Calleja ("Tenemos un regalu pa ti").

    Pa les sos valoraciones, el xuráu tuvo en cuenta la orixinalidá de les propuestes, la so calidá estética, posibilidaes de la idea como ferramienta d'información y orientación al estudiante, adaptabilidá al espaciu propuestu, posibilidaes reales de puesta en práctica y reciclabilidad y seguridá de los materiales, ente otros aspeutos.

    Imaxes:

    Documentos Rellacionaos:


Buscar