Noticias

  • El 76% de los estudiantes supera la Prueba d'Accesu a la Universidá

    11 de Xunetu 2011

    La resultancia respuende por la decisión d'adelantrar la convocatoria estraordinaria de selectividá a xunetu.

    El 76,09 % de los alumnos que se presentaron en xunetu a la Prueba d'Accesu a la Universidá (PAU) na Universidá d'Uviéu aprobó. Esti porcentaxe supon casi ocho puntos más que'l rexistráu en septiembre del pasáu añu (un 68,41 % d'aprobaos), el postreru en que la segunda convocatoria añal fíxose dempués d'agostu. Esta resultancia respuende por, según la comisión organizadora de la PAU n'Asturies, la decisión d'adelantrar la convocatoria estraordinaria de les pruebes a xunetu y ratifica que "nun perxudicó les opciones de los estudiantes asturianos".

    De los 937 estudiantes que se presentaron a los exames de la PAU en xunetu, 713 llograron la calificación d'aptos. El pasáu añu, en septiembre, de 804 presentaos aprobaron 550. La nota media xeneral foi d'un 5,221, ente que la nota más alta supera'l 8,7. 746 alumnos esaminaronse de función xeneral, 48 de función específica y 191 de dambes funciones.
    L'asignatura con un porcentaxe más altu d'aprobaos foi Bioloxía en función específica, col 86,84 % d'aprobaos, ente que l'asignatura con menos aprobaos foi Química en función xeneral, col 40 % d'aptos. Dambes asignatures rexistraron tamién la nota media más alta y más baxa: Bioloxía (6,86) y Química (4,36). A partir del 12 de xunetu abre'l periodu de matrícula pa tolos estudiantes.

Buscar