Noticias

  • La Universidá apurre los premios patrocinaos por empreses ya instituciones a los meyores estudiantes en Santa Catalina

    25 de Payares 2013

    El rector destaca la puesta en marcha d'un programa de Doctoraos Industriales pa impulsar la I+D+i na empresa, y la presidenta de Microsoft España, María Garaña, anima a los estudiantes a "tomar riesgos" y realizar estancies internacionales qu'ameyoren la so formación

    Los premiaos y el patrocinadores, col rector, nel patiu del Edificiu Históricu

    La Universidá d'Uviéu festexó a la so patrona Santa Catalina d'Alexandría cola entrega los premios de Fin de Carrera y Fin de Grau, amás del premiu Cajastur al Meyor Espediente Académicu de la Universidá d'Uviéu, nun actu solemne celebráu na Biblioteca del Edificiu Históricu. El rector, Vicente Gotor, presidió l'actu nel que recoyeron el so diploma más de sesenta estudiantes colos meyores espedientes del pasáu cursu y casi mediu centenar de representantes de les empreses ya instituciones que patrocinen cada unu de los galardones.

    Los primeres graduaos del plan Bolonia recoyeron los sos premios Fin de Grau y el rector aprovechó la ocasión pa faer balance de la implantación del Espaciu Européu d'Educación Cimera (EEES) del que "les primeres evaluaciones indiquen una meyora de les resultancies académiques y de los índices de prestu d'alumnos y docentes". Vicente Gotor dirixir a los mozos y recordólos que ye positivu y bonu salir al esterior, completar la formación n'otros países, pero "nun tenemos de consentir la diáspora de la conocencia, esto ye, la salida ensin torna de los nuesos mozos. La sociedá invierte enforma na so formación y tenemos d'aprovechar esi capital humanu", precisó. Dientro del esfuerzu constante de la Universidá por reforzar y estrechar los llazos cola empresa, el rector destacó la futura puesta en marcha, en collaboración col Gobiernu rexonal, d'un programa de Doctoraos Industriales "que pretende contribuyir al impulsu de la I+D+i empresarial y l'incorporación de doctores a la empresa".

    L'esfuerzu por abrir nuevos calces de collaboración con empreses ya instituciones al traviés del Campus d'Excelencia Internacional "ameyoró la posición de la Universidá d'Uviéu como sociu de proyectos europeos", sorrayó Vicente Gotor. Asina, recordó que la institución académica asturiana presentó propuestes internacionales de la mano de 400 socios, de los que más de 300 son instituciones y empreses internacionales.

    La presidenta de Microsofot España, María Garaña, ufiertó la conferencia del actu conmemorativo de la patrona de la Universidá d'Uviéu, que dedicó a la innovación y el emprendimiento. Garaña aprovechó la so intervención p'animar a los estudiantes "a tomar riesgos, porque táis nel momentu de equivocar y encarar nuevos retos". Aportunó na importancia d'arriquecer la formación académica con estancies internacionales "porque la xente que s'enfrente a una vida fora del so círculu confort desenvuelve una pervalible capacidá d'adaptación". Amás, María Garaña fixo fincapié na necesidá que la so compañía detectó de "incorporar una les capacidaes de les humanidaes a los inxenieros" pa treslladar meyor a la sociedá les aportaciones de la nueves tecnoloxíes.

    Imaxes:


Buscar