Noticias

  • Xunta ente'l Consorciu de Tresportes d'Asturies y el Vicerrectorado d'Estudiantes y Empléu de la Universidá d'Uviéu

    03 de Ochobre 2011

    La institución académica tresllada a los responsables del CTA delles incidencies comunicaes polos usuarios

    Les llínees Centro-Bus-Universidá constitúin un serviciu ufiertáu por ALSA y coordináu col Consorciu de Tresportes d'Asturies (CTA) a la comunidá universitaria. Col fin de treslladar a los sos responsables delles incidencies comunicaes al Vicerrectorado d'Estudiantes y Empléu de la Universidá d'Uviéu, esti Vicerrectorado, actuando como mediador institucional, solicitó al CTA una xunta que tuvo llugar esta mañana.

    La Universidá d'Uviéu deseya estimar públicamente'l vagar de los responsables del CTA pa iguar estos problemes, que, mayoritariamente, respuenden a los desaxustes propios d'empezar un nuevu cursu, nel que se sumaron más de 500 nuevos usuarios a los 6.500 que yá veníen faciendo usu del serviciu. Los responsables del CTA confíen en que los refuerzos suplementados nes llínees resuelvan definitivamente les incidencies.

    Per otru llau, na xunta tamién se treslladó al CTA la esmolición que dende la Escuela Politécnica de Mieres vien reparándose nos últimos años sobre'l tresporte a esi campus, qu'anguaño vivió una fuerte medría nos estudiantes de nuevu ingresu col Grau n'Inxeniería Civil. Dende'l CTA ufiertáronse soluciones de diversa índole, basándose en llínees yá esistentes (como la Uviéu-Mieres) y tamién estudiando nueves posibilidaes pa facilitar l'accesu al campus por tresporte públicu.


Buscar