Noticias

  • El 68,5% de los alumnos asturianos aprueben la PAU na convocatoria de xunetu

    07 de Xunetu 2014

    Los estudiantes van poder solicitar la revisión d'exames los díes 9, 10 y 11 de xunetu

    La Universidá d'Uviéu rexistró un 68,5% d'aprobaos nes Pruebes d'Accesu a la Universidá (PAU) na convocatoria de xunetu, na que se matricularon un total de 942 alumnos. La media xeneral de la nota d'accesu a la Universidá ye de 5,02. La máxima calificación llograda foi de 8,87.

    Consulta notes de PAU xunetu 2014 y solicitú de revisión

    Por asignatures de la Fase Xeneral, en Llingua Castellana y Lliteratura el porcentaxe d'aprobaos asitiase nel 49,25% y la nota media ye de 4,57. N'Inglés, superó l'exame'l 38,85% de los alumnos, con una nota media de 4,17. El porcentaxe d'aprobaos n'Hestoria d'España suma'l 32,88% de los estudiantes, con una nota media de 3,70. Nel casu d'Hestoria de la Filosofía los alumnos aptos son el 76,6% y la nota media un 6,05.

    Coles mesmes, realizaron solamente la Fase Específica un total de 129 alumnos: 23 procedentes de Ciclos Formativos de Grau Cimeru y 106 alumnos procedentes de Bachiller.

    Los estudiantes que deseyen revisión d'exames van poder cursar la so solicitú los díes 9, 10 y 11 de xunetu. La publicación de notes del primer periodu de revisiones se realizará'l 16 de xunetu a partir de les 18:00 hores. El periodu de reclamaciones sobre doble corrección de les revisiones realizarase los díes 17, 18 y 19 de xunetu. El 22 de xunetu van publicarse les notes del segundu periodu de revisiones.

    Les notes de la PAU pueden consultase tamién al traviés de la App de la Universidá d'Uviéu, que puede descargase nel siguiente enllaz: http://goo.gl/FFB5kN.

    Pa la PAU 2014 la Universidá d'Uviéu va expedirse el certificáu de calificaciones en formatu dixital, disponible pa los alumnos na web de la Universidá, aportando col so DNI y PIN. Estos certificaos nun riquieren compulsa pa surtir efectu en cualquier Universidá o alministración pública.


Buscar