Noticias

  • La Universidá d'Uviéu inaugura'l Rexistru Auxiliar del Campus d'El Milán

    11 de Marzu 2011

    La oficina va dar cobertoria alministrativa a más de 2.300 universitarios

    Inauguración del Rexistru Auxiliar
    El Campus d'El Milán, n'Uviéu, cuenta dende güei con un Rexistru Auxiliar, onde los universitarios van poder realizar tolos trámites alministrativos ensin necesidá de movese al Rexistru Central. El rector, Vicente Gotor, acompañáu pol Secretariu Xeneral, José Francisco Fernández, y pola decana de la facultá de Filosofía y Lletres, Cristina Valdés, inauguró les nueves dependencies.

    El Rexistru Auxiliar ta asitiáu na planta baxa del edificiu alministrativu, y ye la quinta oficina que crea la institución académica asturiana, que yá dispon de rexistros similares n'El Cristu, Mieres, Xixón y nel centru de Servicios Universitarios d'Avilés.

    El rector indicó que'l Rexistru Auxiliar d'El Milán, va dar cobertoria a más de 2.300 universitarios --ente estudiantes, profesores ya investigadores, y personal d'alministración y servicios--. Nesti campus desempeñen la so actividá siete departamento, y cuenta con 1.944 estudiantes y distintos servicios universitarios.

Buscar