Noticias

  • Recepción a estudiantes chinos que van estudiar esti cursu na Universidá d'Uviéu

    06 de Setiembre 2012

    Los primeres 26 alumnos que lleguen a Asturies dende la provincia china de Shandong, frutu de los convenios roblaos coles universidaes de Weihai y de Linyi

    Semeya de grupu de los estudiantes chinos de les universidaes de Weihai y Linyi.

    Esta mañana tuvo llugar na Casa de les Llingües l'actu oficial de bienvenida a 26 estudiantes chinos que van ser alumnos de la Universidá d'Uviéu mientres el cursu 2012-2013. La directora de la Oficina de Internacionalización de la Universidá d'Uviéu, Leticia Santos, foi la encargada de dar la bienvenida a los nuevos alumnos.

    Estos estudiantes alleguen a la nuesa universidá como resultáu de dos convenios billaterales de cooperación roblaos, respectivamente, cola Universidá de Weihai y cola Universidá de de Linyi, dambes alcontraes na provincia de Shandong, na República Popular China. Los 26 estudiantes son los primeros alumnos que lleguen a Asturies frutu d'estos convenios.

    Los diecisiete estudiantes procedentes de la Universidá de Weihai van perfeccionar el so nivel de castellán mientres el cursu 2012-2013 por aciu el siguimientu de los cursos d'español pa estranxeros qu'ufierta la Casa de les Llingües coles mesmes que, pa familiarizase col sistema universitariu español, van matriculare en dalguna asignatura escoyida ente la ufierta formativa d'estudios de Grau de la Universidá d'Uviéu. El so oxetivu final ye solicitar, pal cursu 2013-2014, la so almisión como alumnos en dellos de los Másteres Universitarios que xestiona'l Centru Internacional de Posgráu.

    Los nueve alumnos restantes pertenecen a la Universidá de Linyi y van completar la so formación en filoloxía hispánica mientres anguaño académicu cursando diverses asignatures del Grau en Llingua Española y les sos Lliteratures de la Universidá d'Uviéu, impartíu na Facultá de Filosofía y Lletres.

    Imaxes:


Buscar