Noticias

  • Programa Erasmus: una ventana abierta al futuru d'Europa

    26 de Agostu 2011

    688 mozos asturianos con una beca Erasmus empecipien el cursu 2011-2012 nuna universidá estranxera. Casi dos millones d'estudiantes participaron nel proyectu dende la so creación en 1987.

    La posibilidá de llograr una formación internacional de referencia y d'ampliar horizontes profesionales y personales consolida al programa Erasmus como unu de los recursos formativos más importantes del ámbitu européu ya internacional. Una oportunidá única de la que yá participaron más d'un millón y mediu d'estudiantes a lo llargo de los venti años d'esistencia del programa y que ta a puntu d'empecipiar un nuevu capítulu.

    La Universidá d'Uviéu ufierta más de 1300 places pa cursar estudios en 28 universidaes de países europeos. Una amplia ufierta formativa que cada añu atrai a un mayor númberu d'alumnos. Ello ye que mientres el cursu 2011-2012, 688 estudiantes asturianos van formar nuna universidá estranxera con una beca Erasmus, lo que supon una medría del 27, 5 % de la movilidá internacional d'estudiantes dende la Universidá d'Uviéu. Estos mozos van cursar estudios oficiales -de primer, segundu y tercer ciclu- de reconocida calidá académica, de la que s'integren n'otres cultures y consoliden un segundu idioma. Una esperiencia vital y formativo que va facilitar el so accesu a un empléu calidable, potenciando la so incorporación a empreses y organismos nacionales ya internacionales.

    Estudios realizaos pola Axencia Erasmus d'España y Europa amuesen que más del 90% de los alumnos Erasmus valora la movilidá internacional como positiva o bien positiva. Tamién se repara como la movilidá ameyora'l rendimientu académicu y amonta el so motivación: un 40% de los alumnos Erasmus prosiguen la so formación universitaria realizando estudios de posgrado, el doble qu'aquellos que nun participen nel programa. Amás, los empleadores consideren a los titulaos Erasmus meyor capacitaos pal desempeñu de les sos funciones.

    Na actualidá, estudiantes de too el mundu participen na iniciativa al traviés d'Erasmus Mundus. El programa sigue asina amontando'l so marcu d'actuación y cumpliendo colos sos propósitos iniciales: amontar l'intercambiu cultural y llingüístico ya impulsar la integración al traviés d'unu de les pilastres básiques de cualquier sociedá, la educación. Un llabor que foi reconocida en 2004 col Premiu Príncipe d'Asturies de Cooperación Internacional.

    Enllaces Rellacionaos:


Buscar