Universidá d'Uviéu

Presentación: Ensin dulda cada vez ye mayor la relevancia sociu-económica del campu de la Inxeniería Enerxética, que engloba dende les tecnoloxíes d'aprovechamientu de recursos enerxéticos primarios hasta les del usu eficiente de la enerxía en sectores tan diversos como'l de la industria, la edificación o'l tresporte. Los cada vez más acuciosos requisitos de sostenibilidá y caltenimientu mediu-ambiental faen que sían de máxima prioridá los estudios y proyectos que busquen optimizar los distintos procesos d'aprovechamientu y consumu enerxéticu. Hai pos una necesidá creciente d'especialistes que puedan desempeñar xeres d'I+D+i nel campu enerxético.

Por ello, esti Programa de Doctoráu tien como oxetu xenéricu la formación avanzada nes metodoloxíes y actividaes d'investigación propies del campu de la Inxeniería Enerxética, al traviés de la realización d'una tesis doctoral centrada en dalguna de les sos múltiples aguaes científicu-tecnolóxiquessobremanera les que se correspuenden coles llínees d'investigación indicaes más palantre. Ente otres competencies, preténdese que los alumnos sían capaces de concebir, diseñar, poner en práctica y adoptar un procesu sustancial d'investigación con rigor y métodu científicu y que sían capaces de realizar una contribución al traviés d'una investigación orixinal qu'amplíe les fronteres de la conocencia y que mereza la publicación referenciada a nivel internacional.

Accesu y almisión: P'aportar al periodu d'investigación del Programa de Doctoráu n'Inxeniería Enerxética precisar en primer llugar superar el periodu formativu asociáu (Máster Universitariu n'Inxeniería Enerxética o otru de los Másteres Universitarios d'ámbitu tecnolóxicu de la Universidá d'Uviéu), o bien cumplir con dalgún de los otros requisitos indicaos nel art. 15 del Reglamentu de los Estudios de Doctoráu de la Universidá d'Uviéu (BOPA de 25 d'agostu de 2011). Pa l'almisión final, acordies con los art. 16 y 17 de dichu Reglamentu, la Comisión Académica del programa va valorar la titulación, formación, esperiencia previa, aptitú y demás méritos del candidatu, nel so casu por aciu entrevista personal. L'almisión va poder quedar condicionada a la realización d'actividaes de formación complementaries.

Documentos rellacionaos

• Profesoráu