Noticias

  • Profesores de cuatro universidad serbies visiten Uviéu nel marcu d'un programa TEMPUS

    25 de Setiembre 2012

    Los docentes van estudiar los planes d'estudiu d'un grau y un máster de la Facultá de Formación del Profesoráu y Educación

    El Rector y el vicerrector d'Estudiantes na recepción de los docentes serbios que participen nel programa TEMPUS.

    Un grupu de profesores de cuatro universidaes serbies visiten estos díes la Universidá d'Uviéu nel marcu d'unu de los programes Tempus nos que collabora la institución académica asturiana.

    Los docentes, procedentes de les universidaes de Belgrado, Novi Sad, Kragujevac y Nis, van estudiar mientres esta selmana los itinerarios curriculares del Grau de Maestru n'Educación Primaria y tamién del Máster Universitariu en Formación del Profesoráu d'Educación Secundaria Obligatoria, Bachilleratu y Formación Profesional.

    El programa TEMPUS nel que s'enmarca la visita, Harmonization and Modernization of the Curriculum for Primary Teacher Education, cuenta con un total de 13 universidaes ya instituciones educatives participantes.

    El Rector de la Universidá d'Uviéu, Vicente Gotor, recibió a los docentes nel so despachu oficial y dio-yos la bienvenida. Gotor aprovechó la ocasión pa remarcar la importancia d'estrechar venceyos con universidaes europees p'ameyorar la proyección internacional de la institución académica asturiana.

    Acompañaos pol vicerrector d'Estudiantes, Luis Rodríguez Muñiz, el profesores serbios visitaron la Facultá de Formación del Profesoráu y Educación y tamién les dependencies del Edificiu Históricu.


Buscar