Noticias

  • Manuel Marín abre les xornaes del programa Vivir Europa pa conmemorar los 25 años del programa Erasmus

    10 de Avientu 2012

    El exvicepresidente de la Comisión Europea faló sobre l'ésitu que supunxo'l programa d'intercambiu d'estudiantes na UE

    Pedro Sanjurjo, Vicente Gotor y Manuel Marín durante el actu.

    El excomisario d'Asuntos Sociales y Educación y exvicepresidente de la Comisión Europea, Manuel Marín, foi l'encargáu d'inaugurar esta mañana les xornaes de clausura del proyectu Vivir Europa, una iniciativa auspiciada pola acción Jean Monnet de la Comisión Europea. La Universidá d'Uviéu acueye hasta mañana martes unes xornaes que suponen una reconocencia al programa Erasmus que cumple agora 25 años d'esistencia y que dexó a ensame de mozos dar sentíu a una forma de pensar y vivir Europa.

    El Rector de la Universidá d'Uviéu, Vicente Gotor, estimó la presencia de Manuel Marín na Aula Magna del Edificiu Históricu pa pronunciar la conferencia inaugural titulada L'ERASMUS: un programa con ésitu n'Europa. El presidente de la Xunta Xeneral del Principáu, Pedro Sanjurjo, acompañó al que fuera presidente del Congresu de los Diputaos mientres la so esposición.

    El planteamientu xeneral de les xornaes ye'l discutiniu y alderique sobre los principales aspeutos del programa y el so desenvolvimientu, según lo vieron y vivieron persones directamente implicaes nel mesmu (xestores, coordinadores y alumnos).


Buscar