Noticias

  • Les II Xornaes de Cooperación al Desenvolvimientu faen balance d'acción solidaria de la Universidá d'Uviéu

    28 de Payares 2013

    Profesores y estudiantes espunxeron el trabayu que desenvuelven en países de Llatinoamérica, África y Asia y de la mano d'organizaciones sociales n'Asturies

    Un momentu del actu d'inauguración de les xornaes.

    La Universidá d'Uviéu celebró les sos II Xornaes de Cooperación al Desenvolvimientu pa faer balance de les actividaes que la institución académica desenvuelve en países de Llatinoamérica, Asia y África.  El rector, Vicente Gotor, foi l'encargáu d'inaugurar l'alcuentru acompañáu pola vicerrectora de Internacionalización y Posgráu, Cuadonga Betegón, y la directora de la Oficina de Internacionalización, Leticia Santos.

    Rosa Terradellas, vicerrectora d'Estudiantes, Cooperación ya Igualdá de la Universidá de Girona, foi la encargada d'abrir la xornada cola conferencia Situación actual de la cooperación universitaria al desenvolvimientu n'España.

    La medicina, la meyora de la educación o'l fomentu de la investigación en distintes cañes de la conocencia centren l'actividá de los proyectos que distintos profesores de la Universidá d'Uviéu lleven a cabu en países como Filipines, Guatemala, México, Chile, Colombia, Etiopía y Angola. 

    Al marxe de los proyectos internacionales la Universidá d'Uviéu cunta con un Espaciu Solidariu al traviés del cual enríase la collaboración con distintes organizaciones sociales nes que los estudiantes pueden collaborar. La directora d'área de Proyección Social, Marta Pérez Toral, esplicó'l llabor que se desenvuelve dende esta iniciativa coordinada dende l'el vicerrectorado d'Estudiantes.

    Tantu el profesores como los alumnos que tomen parte nes distintes iniciatives tuvieron la oportunidá d'esponer la so esperiencia personal en distintos campos de la cooperación.

    Imaxes:


Buscar