Noticias

  • Ladislao Azcona toma posesión como presidente del Conseyu Social de la Universidá d'Uviéu

    25 de Setiembre 2012

    El periodista asturianu asume'l so cargu col retu llograr "una relación más intensa y ceadora coles empreses"

    Imaxe del Paraninfu mientres l'actu de toma de posesión de Azcona como presidente del Conseyu Social.

    El periodista asturianu Ladislao Azcona tomó posesión esta mañana del so cargu como nuevu presidente del Conseyu Social de la Universidá d'Uviéu nun actu copresidido pol Rector, Vicente Gotor, y el presidente del Principáu d'Asturies, Javier Fernández. Tamién tuvieron presentes en la toma de posesión el presidente de la Xunta Xeneral del Principáu, Pedro Sanjurjo, la conseyera d'Educación y Cultura, Ana Isabel González, y l'alcalde d'Uviéu, Agustín Iglesias Caunedo.

    Azcona estimó al Gobiernu rexonal y al Rector l'enfotu depositáu na so persona pa encarar los desafíos que'l Conseyu Social va haber d'encarar nun futuru. El periodista afitóse como retu principal el "de conectar a la Universidá cola vida y l'economía reales, llogrando una relación más intensa y ceadora coles empreses". Ladislao Azcona defendió la necesidá de que los mozos tengan una formación universitaria calidable, "non yá como base estratéxica pal desenvolvimientu, sinón tamién como elementu d'igualdá d'oportunidaes y xusticia social".

    El Rector, Vicente Gotor, ufiertó al nuevu presidente del Conseyu Social el so total "lelatad institucional y collaboración" y emplazolu a caminar xuníos pa llograr aguiyar la captación de fondos esternos, "qu'ensin dulda son la clave del nuesu futuru". Gotor comprometió la continuidá d'una xestión eficiente y tresparente" que facilite'l llabor fiscalizadora del Conseyu.

    Pela so parte, el presidente del Principáu, Javier Fernández, destacó la importancia de qu'Asturies cunte con "una Universidá potente y capaz, que tea totalmente fondiada na nuesa sociedá como un elementu de referencia". Tamién emplazó a los nuevos miembros del Conseyu Social a llograr una relación bono y osixenao" ente la institución académica y la sociedá "porque que la Universidá y l'empresa ignórense ye un espilfarru que nun nos podemos dexar".

    Imaxes:


Buscar