Noticias

  • La Universidá y l'Ópera d'Uviéu abren una nueva edición de los sos alcuentros

    12 de Setiembre 2013

    Miembros del equipu artísticu y técnicu de cada títulu van analizar al pie de profesores universitarios y el públicu cada unu de los cinco montaxes

    Unu de los alcuentros celebráu l'añu pasáu na Aula Magna en redol a Lucia de Lammermoor.

    La segunda edición de los Alcuentros Ópera Universidá, qu'empiecen mañana vienres, 13 de setiembre, propón un añu más al espectador averase a los cinco títulos programaos pola LXVI temporada d'Ópera d'Uviéu de la mano de los sos protagonistes (cantantes, directores musicales, escenógrafos, etc. y cuntar amás col analís de profesores de la institución académica.

    La Universidá d'Uviéu y l'Ópera Uviéu plantegen al públicu asturianu un diálogu abierto y fluyío sobre caúna de les óperes en cartel, apurriendo la visión artística y técnica del equipu responsable de les producciones. Los Alcuentros Ópera Universidá nacen con vocación d'averar al gran públicu esti xéneru, buscando la so participación.

    Asina, los aficionaos pueden plantegar de primera esquito les sos moliciones alrodiu de los más variaos aspeutos de les obres: les sos temes, los conflictos y pasiones que mueven a los personaxes, les relaciones cola hestoria, l'arte, la lliteratura o'l cine. Pero tamién preguntar, por casu, cómo se preparar un cantante pa interiorizar el so papel, de qué técniques sírvese un director d'escena pa construyir ambientes o cómo se perfila ya igua el vestuariu.

    El Centru Cultural LAUDEO (Edificiu Históricu) va acoyer los diálogos sobre cada unu de los cinco títulos programaos na Aula Magna y l'entrada va ser llibre pa tol públicu comenenciudu. Amás, anguaño los Alcuentros Ópera Universidá van celebrar dos de les sos sesiones tamién nel Antiguu Institutu de Xixón.

    El primer alcuentru d'esta temporada va xirar en redol a L'oru del Rin, de Richard, Wagner. A partir de les 19:00 hores na Aula Magna del Edificiu Históricu'l director musical Guillermo García Calvo y el protagonista de la ópera, el baxu-barítonu islandés  Tómas Tómasson, van desvelar dalgunes de les claves del primer montaxe d'esta temporada, que se va estrenar el próximu domingu nel Teatru Campoamor. Van Tar acompañaos por Socorru Suárez Lafuente, catedrática de Filoloxía Inglesa de la Universidá d'Uviéu.

    Per otru llau, en virtú del conveniu ente la Universidá y la Fundación Ópera d'Uviéu, grupos d'estudiantes de la Facultá de Filosofía y Lletres van poder asistir a los ensayos xenerales de les óperes.

     

    PROGRAMA DE LOS ALCUENTROS ÓPERA UNIVERSIDÁ 2013-2014

    Diálogu sobre Das Rheingold, de Richard Wagner

    Participantes: Guillermo García Calvo (director musical), Tómas Tómasson (baxu-barítonu, interpreta'l papel de Wotan, protagonista de la ópera) y Socorro Suárez Lafuente (profesora de Filoloxía Inglesa de la Universidá d'Uviéu)

    Fecha: Vienres 13 de setiembre de 2013

    Hora: 19.00 hores

    Llugar: LAUDEO Centru Cultural d'Estensión Universitaria (Edificiu Históricu). Aula Magna

    Diálogu sobre La Traviata, de Giuseppe Verdi

    Participantes: Susana Gómez (directora d'escena), Ailyn Pérez (sopranu) y María Sanhuesa Fonseca (profesora de de Musicoloxía de la Universidá d'Uviéu)

    Fecha: Llunes 14 d'ochobre de 2013

    Hora: 20.00 hores

    Llugar: LAUDEO Centru Cultural d'Estensión Universitaria (Edificiu Históricu). Aula Magna

    Diálogu sobre Don Pasquale, de Gaetano Donizetti

    Participantes: Marzio Conti (director musical), Carlos Chausson (baxu-barítonu) y María Encina Cortizo (profesora de Musicoloxía de la Universidá d'Uviéu)

    Fecha: Llunes 18 de noviembre de 2013

    Hora: 20.00 hores

    Llugar: LAUDEO Centru Cultural d'Estensión Universitaria (Edificiu Históricu). Paraninfu

    Diálogu sobre Ainadamar, de Osvaldo Golijov

    Participantes: Osvaldo Golijov (compositor), Luis de Tavira (director escénicu) y Madalena Cueto (profesora de Teoría de la Lliteratura de la Universidá d'Uviéu)

    Fecha: Llunes 9 d'avientu de 2013

    Hora: 20.00 hores

    Llugar: LAUDEO Centru Cultural d'Estensión Universitaria (Edificiu Históricu). Aula Magna

    Diálogu sobre Don Giovanni, de Wolfgang Amadeus Mozart

    Participantes: Álvaro Albiach (director d'escena), Simón Orfila (baxu barítonu) y Marín Pérez (profesor de Psicoloxía de la Universidá d'Uviéu)

    Fecha: Llunes 27 de xineru de 2014

    Hora: 20.00 hores

    Llugar: LAUDEO Centru Cultural d'Estensión Universitaria (Edificiu Históricu). Aula Magna

    Diálogu sobre La Traviata, de Giuseppe Verdi

    Participantes: Susana Gómez (directora d'escena), José Luis Sola (tenor) y María Sanhuesa Fonseca (profesora de Musicoloxía de la Universidá d'Uviéu)

    Fecha: Xueves 6 de febreru de 2014

    Hora: 20.00 hores

    Llugar: Centru de Cultura Antiguu Institutu (Xixón)

    Diálogu sobre Don Pasquale, de Gaetano Donizetti

    Participantes: Marzio Conti (director 0.musical), Ricardo Seguel (baxu barítonu) y María Encina Cortizo (profesora de Musicoloxía de la Universidá d'Uviéu)

    Fecha: Vienres 6 de xunu de 2014

    Hora: 20.00 hores

    Llugar: Centru de Cultura Antiguu Institutu (Xixón)

    Imaxes:


Buscar