Noticias

  • La Universidá triplica nun añu'l dineru p'ayudes a estudiantes en situación d'urxente necesidá

    10 de Payares 2014

    La institución académica destina 150.000 euros a financiar la matrícula de moces que cumplen los requisitos académicos pero nun disponen de recursos económicos

    La Universidá d'Uviéu multiplicó por trés nun añu los fondos destinaos a financiar la matrícula d'estudiantes en situación económica d'urxente necesidá. La institución académica acaba de publicar una nueva convocatoria d'estes ayudes por un importe de 100.000 euros, que se suman a los 50.000 que yá se gastaron anguaño pa este mesmu fin.

    L'aumentu nos últimos años de mozos con dificultaes económiques p'abonar la matrícula, llevó al Vicerrectorado d'Estudiantes a priorizar y concentrar l'esfuerzu de gastu nestes ayudes pa moces en situación d'urxente necesidá. L'oxetivu ye que naide que cumpla los requisitos académicos esixíos quédese fuera de los estudios por falta de recursos económicos.

    Na primer convocatoria, en 2010, destináronse cerca de 16.000 euros a estes ayudes, una cuantía que, magar los fuertes retayos presupuestarios, foi creciendo pasu ente pasu hasta daqué más de 43.000 euros el pasáu añu, y los 150.000 euros conseñaos nos dos convocatories del 2014. Hasta'l momentu, más de 180 mozos beneficiáronse d'esti programa nos últimos cuatro años.

    Les ayudes a estudiantes en situación económica d'urxente necesidá financien la primer matrícula siempres que se cumplan los requisitos mínimos establecíos tantu de rendimientu académicu como d'estragales de renta familiar y que tán recoyíos nel resolvimientu publicáu nel Boletín Oficial del Principáu d'Asturies (BOPA).

    Enllaces Rellacionaos:


Buscar