Noticias

  • La Universidá d'Uviéu xúnese a la celebración de la Selmana de les Lletres Asturianes cola presentación del llibru 'Poesíes'

    30 de Abril 2012

    El Rector y el conseyeru de Cultura y Deporte del Principáu van tar nel actu de presentación del llibru de Benitu de l'Auxa y Antón Balvidares, el 2 de mayu a les 13:00 h, nel Paraninfu de la Universidá.

    Por cuenta de la celebración de la 33ª Selmana de les Lletres Asturianes (30 d'abril a 4 de mayu), la Universidá d'Uviéu va acoyer la presentación del llibru Poesíes, un volume que recueye la obra completa conocida de Benitu de l'Auxa y Antón Balvidares.

    L'actu va tener llugar nel Paraninfu del Edificiu Históricu, el día 2 de mayu a les 13:00 h. Lu va a presentar el profesor de la Universidá d'Uviéu, Xuan Carlos Busto Cortina y va cuntar cola asistencia del rector de la Universidá d'Uviéu, Vicente Gotor, y del conseyeru de Cultura y Deporte del Principáu, Emilio Marcos Vallaure.

    Benitu de l'Auxa (1742-1814) y Antón Balvidares (1751-1792) son los poetes a los que se dedica anguaño la Selmana de les Lletres. Trátase de dos escritores de la llamada "xeneración del mediu sieglu" qu'asumieron la visión renovadora y crítica que suponía l'espíritu ilustráu y, al traviés d'un refináu cultivu lliterariu en llingua asturiana, enfrentáronse a les formes del Antiguu Réxime.

    Documentos Rellacionaos:


Buscar