Noticias

  • La Universidá realiza un documental sobre l'homenaxe musical y poético entamáu pola Cátedra Ángel González

    02 de Xineru 2015

    L'espectáculu ‘Entre el Amor y la Solombra', lideráu polos músicos asturianos Pablo Moro y Alfredo González, y el poeta Pablo Texón, percorrió Xixón, Llanes, Navia y Uviéu. El conciertu celebráu nel Paraninfu va poder trate'l 3 de xineru a les 23:15 hores na TPA

    Un momento del concierto en el Paraninfo

    La Universidá d'Uviéu acaba de realizar un documental musical y poético del conciertu homenaxe a Ángel González, que dende'l 3 d'ochobre de 2014 percorrió Uviéu, Xixón, Llanes y Navia. L'espectáculu, entamáu pola Cátedra Ángel González de la Universidá d'Uviéu, ufierta una cuidada versión musical d'ocho poemes del autor de ‘Áspero mundo'. El documental estrena'l 3 de xineru a les 23:15 hores na Televisión del Principáu d'Asturies (TPA).

    Pablo Moro (guitarra y voz) y Alfredo González (pianu y voz) fueron los encargaos de componer los arreglos de los cantares, acompañaos nel escenariu por Álvaro Bárcena (guitarra, mandolina, pedal Steel y coros) y Alejandro Blanco (percusión y coros), y cola interpretación entreverada ente cantar y cantar d'un testu creao y lleío pol poeta Pablo Texón. En total, ocho poemes del autor de ‘Áspero mundo' y Premio Príncipe d'Asturies convertíos en cantares: Elegido por aclamación, Entonces, Luna de abajo, No creo en la eternidad, Voz que soledad sonando, Alga quisiera ser, Final y Trabajé el aire.

    Con esta propuesta, la Cátedra Ángel González de la Universidá d'Uviéu llevó la Estensión Universitaria de la institución académica al Teatru de Llaboral Ciudá de la Cultura, Llanes (Casino), Navia (Espaciu Cultural El Licéu) y Uviéu, onde se quedó pequeñu'l Paranifo y parte del públicu siguió de pies y dende el zaguán del Edificiu Históricu l'homenaxe musical y poético al poeta Ángel González.

    La Universidá d'Uviéu, al traviés de los sos Servicios Audiovisuales, grabó, realizó y produció l'actuación del Paraninfu, qu'agora s'emite na televisión pública del Principáu d'Asturies.

    Esta actividá de la Cátedra Ángel González de la Universidá d'Uviéu foi entamada cola Conseyería d'Educación, Cultura y Deporte del Principáu d'Asturies, y cola collaboración de los Conceyos de Navia y Llanes, y Llaboral Ciudá de la Cultura.

    Enllaces Rellacionaos:


Buscar