Noticias

  • La Universidá publica la primer llista d'alumnos almitíos en graos con llende de places

    16 de Xunetu 2014

    Los estudiantes que llograren una plaza en dalguna d'estes titulaciones tendrán de formalizar la so matrícula ente 17 y el 22 de xunetu

    La Universidá d'Uviéu fixo pública la primer llista d'almitíos en graos con llende de places. Los estudiantes almitíos tendrán de formalizar agora la so matrícula ente'l 17 y el 22 de xunetu. Quien nun formalice la matrícula va dexar la plaza llibre y va correr la llista d'axudicaciones. El periodu de reclamaciones ta abiertu tamién dende'l 17 al 22 de xunetu. El 24 de xunetu publicará la segunda llista d'almitíos y el 31 de xunetu, la tercer axudicación de places.

    Primer llista d'axudicación de places

    Matrícula n'estudios de grau

    Les notes de corte d'esta primer axudicación son provisionales, yá que a midida que queden places llibres dirán cubriéndose con alumnos en llista d'espera. Nesta primer fase, los estudios de grau con nota d'accesu más alta son: Medicina (12,69), Biotecnoloxía (12,44) y Odontoloxía (12,21). Percima del 11 asítiense'l restu de graos de la caña biosanitaria:  Fisioterapia (11,75) y Enfermería (11,63, Uviéu; y 11,05, Cabueñes). Per primer vegada'l doble grau en Matemátiques y Física cuenta con llende de places pal próximu cursu y la so nota de corte asitióse en 10,74, la sesta más alta, xusto por detrás de les titulaciones de ciencies de la salú.

    Documentos Rellacionaos:


Buscar