Noticias

  • La Universidá publica la primer llista d'alumnos almitíos en graos con llende de places

    09 de Xunetu 2015

    Los estudiantes que llograren una plaza en dalguna d'estes titulaciones tendrán de formalizar la so matrícula del 9 y al 14 de xunetu

    La Universidá d'Uviéu fixo pública la primer llista d'almitíos en graos con llende de places. Los estudiantes almitíos tendrán de formalizar agora la so matrícula del 9 al 14 de xunetu. Quien nun formalice la matrícula va dexar la plaza llibre y va correr la llista d'axudicaciones. El periodu de reclamaciones tamién va tar abiertu dende'l 9 al 14 de xunetu. El 16 de xunetu publicará la segunda llista d'almitíos y el 23 de xunetu, la tercer axudicación de places.

    Primer llista d'axudicación de places

    Matrícula n'estudios de grau

    Les notes de corte d'esta primer axudicación son provisionales, yá que a midida que queden places llibres dirán cubriéndose con alumnos en llista d'espera. Nesta primer fase, los estudios de grau con nota d'accesu más alta son: Medicina (12,61), Biotecnoloxía (12,28), Odontoloxía (12,17) y Doble grau en Matemátiques y Física (11,71). Percima del 10 asítiense'l restu de graos de la caña biosanitaria: Fisioterapia (11,32) y Enfermería (11,28, Uviéu; y 10,41, Cabueñes). Y ente 9 y 10 asítiense Bioloxía (9,91) y el Doble grau n'Alministración y Dirección d'Empreses (ADE) y Derechu (9,46).

    Nesta fase, la Universidá d'Uviéu recibió un total de 5.619 solicitúes de plaza n'estudios con llende d'almisión. El 61% de los estudiantes fueron almitíos nel Grau nel que solicitaron plaza en primer opción. Les titulaciones con mayores llistes d'espera son: Medicina (1.104), Biotecnoloxía (200) y Odontoloxía (290).


Buscar