Noticias

  • La Universidá presenta un proyectu d'urbanización social ya integrador" nel Campus d'El Cristu

    14 de Abril 2011

    L'actuación, enmarcada nel Campus d'Excelencia Internacional, representa un patrón urbanísticu de referencia pa futures remodelaciones.

    Presentación del proyectu
    Establecer una vía de comunicación ente les dos partes del campus d'El Cristu siguiendo criterios de sostenibilidá, incorporando ramples que favorezan l'accesibilidá y creando espacios d'alcuentru con zones verdes. Estos son los principales oxetivos del proyectu de remodelación urbanística que la Universidá d'Uviéu desenvuelve nel Campus d'El Cristu.

    El rector, Vicente Gotor; la vicerrectora de Campus d'Excelencia, Paz Suárez Rendueles; el vicerrector d'Infraestructures, Campus y Sostenibilidá, José Carlos Rico; y l'arquiteutu Jovino Martínez Sierra, presentaron esta mañana'l proyectu.

    Esta intervención na redolada d'El Cristu forma parte del programa d'actuaciones urbanístiques previstes dientro del Campus d'Excelencia Internacional, que, como recordó'l rector, pretende convertir los campus de la Universidá d'Uviéu n'espacios saludables y sostenibles". Un plan de remodelación que, según Vicente Gotor, va desenvolvese "al llargu plazu" dada'l valumbu del proyectu nel so conxuntu y la difícil situación económica actual. Pela so parte, el vicerrector d'Infraestructures, Campus y Sostenibilidá, José Carlos Rico, esplicó qu'esta llínea d'actuación respuende a dos de les exes estratéxiques del CEI, nos que se contempla ufiertar, per un sitiu, un modelu de campus social ya integrador" y, por otru, ameyorar l'aspeutu arquitectónico y urbanístico" de la redolada de la Universidá. Precisamente, El Cristu ye'l campus de la Universidá d'Uviéu que presenta un desenvolvimientu urbanísticu más desordenáu y un mayor númberu d'usuarios", apuntó Rico.

    Como resultáu de la obra, recuperóse una zona degradada, tresformándola nuna nueva vía de comunicación que sirve, de la mesma, d'espaciu d'alcuentru, de zona d'ociu y de llugar de trabayu al campu. Un nuevu conceutu urbanísticu que nel futuru va estender a otros espacios universitarios, como la redolada de la facultá de Medicina, Bioquímica y el Bioterio, magar esti proyectu nun va poder encetase de forma inmediata por cuestiones presupuestaries.

    L'arquiteutu Jovino Martínez Sierra coincidió n'afirmar que la filosofía del proyectu sigue "les prescripciones fites nel Campus d'Excelencia" coles mires de crear, so un criteriu de sostenibilidá "una especie de patrón, de trama" que pueda estendese a otres zones al traviés de los diseños y los materiales emplegaos. Nel casu d'El Cristu, l'actuación ta constituyida por una serie de murios, colos que se crean cortiles abrigaes, y plataformes en distintos altores, coles que se resuelven los 14 metros de desnivel esistente ente un estremu y otru de la vía, con gran predominiu de zones verdes. Les plataformes incorporen escaleres y ramples pa facilitar l'accesu a les persones con discapacidá. Martínez Sierra destacó que con esti proyectu la Universidá ta ufiertando "espacios polivalentes d'actuación", que'l so usu va ser definíu polos usuarios d'esos espacios.

    La obra cunta con un presupuestu d'axudicación de 283.000 euros y el so finalización ta prevista pa mayu de 2011.

    .

    Imaxes:


Buscar