Noticias

  • La Universidá presenta un ciclu en collaboración col Festival Internacional de Cine de Xixón

    15 de Payares 2011

    La institución académica va proxectar tres film, ente ellos l'estrenu n'España de ‘L'Estudiante', de Santiago Mitre, y va celebrar alcuentros abiertos al públicu con directores internacionales y un coloquiu sobre'l cine español.

    El rector, flanqueado por el vicerrector de Extensión Universitaria y el director del FIC

    Proyecciones, alcuentros con directores y diálogos sobre cine formen el filo conductor del ciclu ExTra: Estensiones y Trames del FICXixón y l'Universidá d'Uviéu, entamáu pola institución académica asturiana y el Festival Internacional de Cine de Xixón. El Centru Cultural d'Estensión Universitaria LAUDEO (Edificiu Históricu) y el Campus d'El Milán van ser los escenarios de la programación del certame cinematográficu asturianu n'Uviéu, del 21 al 24 de noviembre. Tolos actos van ser d'accesu gratuitu hasta completar l'aforu.

    El ciclu inclúi l'estrenu de la película L'Estudiante, de Santiago Mitre, una mirada política al mundu universitariu. El filme, que compite na sección oficial del Festival, va proxectar na Aula Severu Ochoa de LAUDEO el 21 de noviembre, un día antes del so pasu pol FICXixón.

    Cine d'autor y de denuncia social, Extra va proxectar tamién La Forteresse, de Fernand Melgar, un documental qu'esquiza la vida del refuxáu políticu, y Workingman's Death, de Michael Glawogger, un filme sobre'l trabayu d'estremada durez. El públicu non yá podrá averase a la obra sinón tamién al autor, con alcuentros con el directores tres la proyección de les películes.

    Estensiones y Trames del FICXixón y l'Universidá d'Uviéu va esquizar tamién al cine francés de la mano de Bertrand Bonello, unu de los directores homenaxaos nel certame, con quien el públicu va poder parolar nun alcuentru que se va celebrar nel Campus d'El Milán. La revisión a la situación del cine español va quedar en manos de Fernando Lara, ex director de la Seminci y miembru del xuráu de la presente edición del FICXixón, y Jaime Pena, responsable de programación del Centru Galego d'Artes da Imaxe, nun coloquiu que va tener como escenariu l'Aula Magna del Edificiu Históricu.

    Esti ciclu respuende al compromisu de la Universidá d'Uviéu col espardimientu de la cultura escontra la sociedá y al deséu d'ampliar los calces de collaboración coles instituciones culturales asturianes, nesti casu con un certame tan importante y enraigonáu na rexón como'l Festival Internacional de Cine de Xixón.

    Amás de la programación n'Uviéu, la institución académica asturiana participa nel FICXixón col estrenu del documental First we take Milán, en collaboración cola Productora de Programes del Principáu y la RTPA. Esti trabayu, codirigido por José Braña y Chus Neira, percuerre la hestoria de la esplosión musical de los noventa que se xestó nel Campus d'El Milán, col conciertu que la institución académica entamó n'homenaxe a Leonard Cohen como filo conductor.

    Documentos Rellacionaos:


Buscar