Noticias

  • La Universidá y el Conseyu de la Mocedá ponen en marcha un serviciu d'asesoramientu sexual nos campus

    15 de Ochobre 2014

    La iniciativa va arreglar les duldes de los universitarios al traviés de corréu electrónicu, WhatsApp o consultes presenciales n'Uviéu y Xixón

    Un momentu de la presentación de la campaña.

    La Universidá d'Uviéu, el Conseyu de la Mocedá d'Asturies y la dirección de Salú Pública del Principáu presentaron esta mañana'l nuevu serviciu d'asesoramientu sexual que va funcionar a partir d'esta selmana nos campus universitarios. El serviciu, atendíu por técnicos especialistes en Sexoloxía, va atender toles duldes y consultes que los estudiantes precisen plantegar. 

    El vicerrector d'Estudiantes, Luis Rodríguez Muñiz, presentó'l nuevu serviciu acompañáu pol director xeneral de Salú Pública, Julio Bruno, el presidente del Conseyu de la Mocedá d'Asturies, Marcelino Sánchez, el presidente del Conseyu d'Estudiantes de la Universidá d'Uviéu, Jorge Fernández, y Sara Rodríguez, una de les técniques qu'atiende'l serviciu.

    Amás del corréu electrónicu de Asexora, los universitarios van disponer d'un serviciu presencial d'atención de duldes que va funcionar los llunes y vienres na Facultá d'Economía y Empresa ente les 12 y les 14:00 hores. Nel mesmu horariu, les espertes van atender consultes los llunes na Facultá de Turismu, Comerciu y Ciencies Sociales Xovellanos y los vienres na Escuela Politécnica d'Inxeniería de Xixón.

    La campaña tamién ufierta un serviciu de WhatsApp, especialmente pensáu pa los estudiantes Erasmus, nel númberu 684609684. Va Tar operativu los vienres y sábados  dende les 20:00 hores hasta medianueche y los domingos ente les 17 y les 20:00 hores.


Buscar