Noticias

  • La Universidá participa nuna investigación sobre'l cultivu d'algues con lixiviados y dióxidu de carbonu d'incineradores

    17 de Avientu 2014

    El proyectu Recovery pretende desenvolver una tecnoloxía eficiente y aplicable a escala industrial qu'embriva la emisión de CO2 na fase de postcombustión de les borrafes

    El responsable d'I+D+i de TSK-Ingemas, Pablo Álvarez; la científica CSIC-Incar, Cuadonga Pevida; Ignacio Albert de la Rosa, sociu cofundador de Neoalgae; la conseyera Belén Fernández; el responsable d'I+D+i de Cogersa, José Manuel González; Elena Marañón, catedrática d'Inxeniería Química Univesidad d'Uviéu; Manuel Miranda, director de la Área de Refractarios, Cerámica y Materies Primes del ITMA; José Manuel Ricu, profesor titular del departamentu Bioloxía d'Organismos y Sistemes de la Universidá d'Uviéu y Santiago Fernández, xerente de COGERSA.

    La Universidá d'Uviéu participa nun proyectu d'investigación qu'estudia, per primer vegada n'Europa, les posibilidaes del cultivu de microalgas en biorreactores alimentaos pol dióxidu de carbonu y les agües contaminaes procedentes de plantes de valorización enerxética de borrafes. La iniciativa ta desenvuelta por un consorciu d'empreses y centros d'investigación íntegramente asturianu participáu pol Consorciu pa la Xestión de Borrafes Sólides d'Asturies (Cogersa)

    Pa llevar a cabu'l proyectu, bautizáu como Recovery, Cogersa, la inxeniería Ingemas (división medioambiental del grupu TSK), y l'iniciativa entamadora de base tecnolóxica Neoalgae, collaboren con tres centro d'investigación: l'Institutu Nacional del Carbón (Incar) dependiente del Conseyu cimeru d'Investigaciones Científiques; l'Institutu de Tecnoloxía de los Materiales (Itma), y l'Universidá d'Uviéu, al traviés de los departamentos d'Inxeniería Química y de Bioloxía d'Organismos y Sistemes.

    Los equipos d'investigación lideraos pol profesor José Manuel Ricu y Elena Marañón van trabayar col oxetivu ye desenvolver una tecnoloxía eficiente y aplicable a escala industrial que llogre la captura y aprovechamientu de les emisiones de CO2 d'una instalación d'incineración de borrafes y de les agües contaminaes pa cultivar microalgas fayadices pal so posterior usu como materia primo na producción de biocombustibles, o bien pa la producción de biogás por aciu dixestión anaerobia. El dióxidu de carbonu, esvalixáu nes emisiones d'esti tipu de plantes, va intentase captar y concentrar por técniques de adsorción. El cultivu de les algues, que va tener llugar dientro d'un biorreactor específicamente diseñáu, va recibir los efluentes líquidos de la instalación (lixiviados permeados) como fonte d'alimentación.

    Recovery cunta con un presupuestu global de 901.111,02 euros, y llogró el sofitu del Programa Estatal d'I+D+i Empobinada a los Retos de la Sociedá convocáu pol Ministeriu d'Economía y Competitividá. En concretu, dientro de los llamaos Retos Collaboración 2014, l'estudiu recibió 680.155,47 euros en forma de préstamos preferentes y subvenciones. Los trabayos d'investigación y les pruebes tendrán de realizase ente ochobre de 2014 y  avientu de 2017.

    Mientres la presentación del proyectu, la conseyera de Fomento Ordenación del Territoriu y Mediu Ambiente, Belén Fernández,  punxo en valor la capacidá de collaboración, según la suma de recursos y de conocencies que representa'l proyectu Recovery al llograr integrar a tres empreses públiques y privaes y a dellos centros d'investigación, incluyendo a la Universidá. Per parte de la institución académica asturiana, participaron na presentación el profesor del departamentu de Bioloxía d'Organismos de la Universidá d'Uviéu José Manuel Ricu y la catedrática de Tecnoloxíes del Mediu Ambiente Elena Marañón.


Buscar