Noticias

  • La Universidá lidera un proyectu pa impulsar la movilidá llaboral y comercial n'Europa

    01 de Abril 2014

    La institución académica va desenvolver la iniciativa ‘Europa precisa'l to talentu: estratexes pal to futuru' en collaboración colos conceyos d'Uviéu, Xixón y Avilés

    Stand de la Universidá d'Uviéu nel Foru d'Empléu 2013.

    La Universidá d'Uviéu foi beneficiaria del proyectu Europa precisa'l to talentu: estratexes pal to futuru co-financiáu pola Representación Permanente de la Comisión Europea en Madrid. Esta iniciativa, na que collaboren los Conceyos d'Avilés, Xixón y Uviéu,  pretende incentivar la movilidá llaboral y comercial nos países europeos y sensibilizar a los colectivos de paraos y entamadores por qu'alleguen al mercáu de trabayu européu.

    Con esti proyectu, que resultó escoyíu ente cerca de 180 propuestes,  deseyar averar a los ciudadanos d'Asturies les distintes polítiques que pueden facilitar l'alquisición d'una primer esperiencia profesional o llaboral, l'insertamientu nel mercáu llaboral, la creación d'empreses o la espansión de les esistentes.  

    Al traviés de seminarios, conferencies y charres de los principales actores de cada exa temática previstu, preséntense les oportunidaes qu'ufierten diverses polítiques y actuaciones europees. Ta centráu en tres eje: Talentu entamador (programa Erasmus Entamador y COSME), talentu profesional (programes de práctiques n'empreses y movilidá llaboral n'Europa, y talentu personal (competencies llaborales nuna redolada europea y desenvolvimientu de los portales internacionales d'empléu)

    Ta prevista la celebración de 3 seminarios n'Avilés, Xixón y Uviéu.  La xornada d'Avilés va tar empuesta al espardimientu de los programes de sofitu a la creación de pequenes empreses de servicios y de la economía dixital, espublizando especialmente'l programa Erasmus Entamador. La fecha de celebración va ser el 9 d'abril y va cuntar cola presencia Gloria Lorenzo-Lerones, representante de la Comisión Europea, ente otros espertos. Amás, va celebrase un taller d'esperiencies pa entamadores y xestores.

    En Xixón, coincidiendo en feches col 13º Foru d'Empléu Universitariu, el próximu mes de mayu, va encetase la empleabilidá nel ámbitu internacional y los proyectos piloto de movilidá n'Europa. Finalmente, la xornada d'Uviéu, en noviembre, va centrar na pyme y na enseñanza d'una cultura de emprendimiento y empleabilidá. 


Buscar