Noticias

  • La Universidá empecipia'l ciclu de cine sobre Haneke dientro de los actos de los Premios Príncipe d'Asturies

    13 de Ochobre 2013

    La institución académica y la Fundación Príncipe d'Asturies abren un Cinefórum, que va llevar a Uviéu, Xixón y Avilés la filmografía completa del cineasta en sesiones d'accesu llibre hasta completar aforu

    Información sobre les proyecciones del ciclu de cine dedicáu a Haneke

    El ciclu de cine dedicáu al director Michael Haneke, entamáu pola Fundación Príncipe d'Asturies en collaboración cola Universidá d'Uviéu, abre mañana los actos venceyaos a los Premios Príncipe d'Asturies 2013. Once proyecciones en sesiones dobles n'Uviéu, Xixón y Avilés van percorrer la filmografía completa del cineasta distinguíu col galardón de les Artes y con un Oscar en 2013.

    El Cinefórum empieza con El tiempu del llobu y El vídeu de Benny, nel Centru Cultural d'Estensión Universitaria LAUDEO (Aula Severu Ochoa), a les 19:00 y a les 21:30 hores. A estes mesmes hores, nel Centru Pumarín Xixón-Sur van proxectase Códigu Desconocíu y La pianista; y nel Centru Niemeyer d'Avilés, Funny games y El Castillo. Toles sesiones, ente'l 14 y el 22 d'ochobre, van ser d'accesu llibre hasta completar aforu. El públicu va poder esfrutar, amás, de la interpretación en directu d'obres de J. S. Bach y F. Schubert presentes nes bandes sonores de les películes Amor y La pianista. Va Ser nel Teatru Filarmónica, antes de les proyecciones, el 15 y 16 d'ochobre, a les 20:00 hores.

    Esta ambiciosa programación sobre la obra completa del cineasta nacíu en Münich cunta cola collaboración del los Conceyos d'Uviéu, Xixón y Avilés, y la Fundación EDP.

    El ciclu va rematar con un coloquiu en caúna de les sedes, nel que van participar como moderadores el profesores de la Universidá d'Uviéu María Valvidares Suárez (Derechu Constitucional), y José Antonio Méndez Sanz (Filosofía). Les reflexones que surdan nos coloquios van sirvir p'articular un homenaxe al cineasta que se va desenvolver nel Teatru Xovellanos de Xixón el miércoles 23 a partir de les 19:30 hores.

    L'alcuentru con Haneke va tar moderáu por Hans Meinke, miembru del Xuráu del Premio Príncipe d'Asturies de les Artes, y nél van participar Jordi Mariña, críticu de cine y escritor; Margarita Blanco Hölscher, profesora del Departamentu de Filoloxía Anglogermánica y Francesa de la Universidá d'Uviéu; y Jordi Balló, profesor de la Universidá Pompeu Fabra, escritor y xestor cinematográficu. Al homenaxe a Michael Haneke del día 23 aportar por invitación. Solo podrán retirase dos localidad por persona. Teatro Xovellanos (Paséu de Begoña, 11. Xixón).

    Documentos Rellacionaos:


Buscar