Noticias

  • La Universidá apurre los diplomes a la décima promoción d'estudiantes del Programa pa Mayores PUMUO

    23 de Xunu 2016

    El vicerrector d'Estensión Universitaria y Proyección Internacional, Francisco José Borge, destaca que lo qu'empezó siendo un esperimentu convirtióse nuna propuesta consolidada y de demanda creciente

    Foto de familia de la décima promoción del Programa PUMUO.
    La Universidá d'Uviéu apurrió esta mañana los diplomes a los estudiantes que participaron na décima edición del Programa pa Mayores PUMUO. 22 de los 24 alumnos que remataron los sos estudios recibieron la distinción acreditativa nun actu celebráu nel Paraninfu de LAUEO (Edificiu Históricu), que cuntó cola presencia, ente otres autoridaes, del vicerrector d'Estensión Universitaria y Proyección Internacional, Francisco José Borge López, el director xeneral de Caxa Rural, Fernando Martínez, y la conseyera de Servicios y Derechos Sociales, Pilar Varela.
     
    El vicerrector recordó qu'en 2001, en tornando d'una estancia d'ocho año n'Estaos Xuníos, tuvo ocasión de formar parte de la primer promoción de profesores n'impartir enseñances a los alumnos mayores del Programa PUMUO. L'aprendizaxe del inglés yera entós, y siguir siendo, una reivindicación d'estos estudiantes que riquíen idiomes pa salear per internet o remanase nos sos viaxes nel estranxeru. Francisco José Borge López señaló que, de magar, lleva con arguyu la etiqueta de ser el primer profesor d'inglés de PUMUO. "Entós pa dalgunos yera un esperimentu exóticu; güei ye un programa con una demanda creciente". El vicerrector d'Estensión Universitaria y Proyección Internacional destacó'l prestar que pa él suponía impartir inglés a estos alumnos d'edá avanzada y estimó  a toos ellos les bones sensaciones que dexaron en el profesores.
     
    Elena Cristina de riba, alumna de PUMUO, tamién tuvo palabas d'agradecimientu. Esta estudiante tomó la palabra en representación de los sos compañeros y fixo fincapié na pasión y les ganes d'aprender de toos ellos. "Pasión pa vencer mieos y faltes y ganes p'aprender", sorrayó. El programa PUMUO, conformáu en redol a cuatro bloques temáticos d'asignatures, enseñólos, según reconoció, a conocer realidaes tan diverses como la nanotecnología o l'espaciu sideral. A munchos d'ellos, qu'empezaron siendo compañeros d'aules, convirtió-yos amás n'amigos pa tola vida.
     
    Tamién el director xeneral de Caxa Rural, Fernando Martínez, y la conseyera de Servicios y Derechos Sociales, Pilar Varela, treslladaron la so felicitación y reconocencia a los alumnos. 

Buscar