Noticias

  • La Universidá dedica una sala de la Biblioteca d'Humanidaes al profesor Álvaro Galmés de Fuentes

    22 de Febreru 2011

    Los fondos de temática árabo-islámica, qu'incorporen una donación de volumes que pertenecieron al profesor, intégrense agora nuna sección independiente.

    Sala
    Los herederos d'Álvaro Galmés de Fuentes (1924-2003) donaron a la Universidá d'Uviéu los llibros d'estudios árabes ya islámicos que pertenecieron al que foi director del antiguu Departamentu d'Árabe. Tratar de dellos centenares de volumes que van arriquecer la nueva sección de la Biblioteca d'Humanidaes, dedicada específicamente a aquellos estudios.

    Esa nueva sala va llevar precisamente'l nome d'Álvaro Galmés de Fuentes y va inaugurase el próximu 28 de febreru, a les 12:30 hores, con un actu académicu nel que van intervenir Santiago García Granda, vicerrector d'Investigación de la Universidá d'Uviéu, la decana de la Facultá de Filosofía y Lletres, Cristina Valdés Rodríguez, y Juan Carlos Villaverde Amieva, de la Área d'Estudios Árabes ya Islámicos. Darréu, sobre les 13:00 hores, Amalia Zomeño Rodríguez, del Centru Cimeru d'Investigaciones Científiques de Madrid, va pronunciar la conferencia "El llibru na civilización árabo-islámica". Tou ello va tener llugar nel salón d'actos de la Biblioteca d'Humanidaes (Campus d'El Milán –Uviéu-).

    La nueva sala qu'agora s'inaugura, de llibre accesu y calter xeneralista, va cumplir al empar la función de biblioteca d'investigación especializada n'estudios áraboislámicos y, de manera particular, nos más específicos árabo-románicos, d'enraigonada y reconocida trayectoria na Universidá d'Uviéu.

    Documentos Rellacionaos:


Buscar