Noticias

  • La Universidá d'Uviéu y Telefónica presenten la convocatoria d'un centenar de beques pa titulaos

    28 de Abril 2014

    Los mozos que remataren estudios d'inxeniería técnica y superior en Telecomunicación, Informática ya Industriales o n'árees económiques pueden presentar les sos solicitúes hasta'l 4 de mayu

    'esquierda a derecha, Paula Beirán, Vicente Gotor y Víctor García.

    La Universidá d'Uviéu y Telefónica presentaron esta mañana la nueva convocatoria de les beques Talentum Universities, con un centenar de places, destinaes a titulaos en Telecomunicación, Informática ya Industriales o n'árees económiques. Los comenenciudos van poder presentar les sos solicitúes hasta'l próximu 4 de mayu al traviés de la web .

    El rector de la Universidá d'Uviéu, Vicente Gotor, y la directora de Telefónica n'Asturies, Paula Beirán, presentaron el programa de beques de llarga duración que constitúi una oportunidá pal aproximamientu de mozos titulaos a la realidá empresarial, fomentando la so integración nel mercáu llaboral y cola opción d'incorporase a Telefónica. Tamién allegó a la presentación el vicerrector de Campus, Informática y Infratesructuras, Víctor Guillermo García.

    L'añu pasáu un total de 18 alumnos de la Universidá asturiana participaron nel programa qu'en 2014 convoca un centenar de beques en toa España.  Hasta'l momentu más del 96 per cientu de los mozos titulaos qu'esfrutaron d'una beca Talentum Universities incorporáronse darréu a la plantiya de la multinacional española. Paula Beirán destacó la bona formación con qu'apuerten los estudiantes de la Universidá d'Uviéu y animó a los mozos a tomar parte na iniciativa. 

    Los participantes nel programa van completar la so formación en proyectos estratéxicos de distintes árees de la empresa, principalmente en Desenvolvimientu de Servicios y Sistemes, Operaciones y Rede, Marketing y Servicios Comerciales.


Buscar