Noticias

  • La Universidá d'Uviéu y Repsol collaboren nel desenvolvimientu d'investigaciones nel campu de la Xeoloxía

    19 de Mayu 2016

    Dambes entidaes caltienen un alcuerdu marco que se concretó en tres línea d'ayudes pa trabajo fin de máster, tesis doctorales ya investigaciones postdoctorales

    La Universidá d'Uviéu y l'empresa Repsol estrecharon la so collaboración pa contribuyir asina a la formación integral de los alumnos de la institución académica y desenvolver investigaciones nel campu de la Xeoloxía. Dambes entidaes caltienen un alcuerdu marco que se concretó mientres anguaño en tres línea d'ayudes pa los universitarios que realicen trabayos de fin de máster, tesis doctorales ya investigaciones postdoctorales na área de la Xeoloxía.

    La Universidá y Repsol suscribieron en septiembre de 2015 un alcuerdu marco de collaboración pol que se comprometen a desenvolver árees d'interés común. D'esta miente, la empresa collabora nos programes formativos de Grau, Máster y Doctoráu con una llínea d'ayudes y, a cambéu, enría los llabores d'investigación que los alumnos de la Universidá realicen gracies a esta convocatoria escontra les sos árees operatives.

    Esti alcuerdu marco, prorrogable añalmente hasta'l 31 d'agostu de 2019, concretóse en trés midíes concretes:

    Trabayu de fin de máster na disciplina de Xeoloxía. L'oxetu d'esti conveniu específicu ye la convocatoria d'una ayuda pal cursu 2015-2016 pa la realización d'un trabayu de fin de máster na disciplina de Xeoloxía, nel marcu del Máster Universitariu en Recursos Xeolóxicos ya Inxeniería Xeolóxica. Repsol apurre una ayuda que cubre los gastos de matrícula del estudiante nel Máster, una ayuda al estudiu y un importe adicional en conceutu de gastos causaos polos llabores d'investigación.

    Realización de tesis doctoral n'investigación en Xeoloxía y Geosistemas. Esti alcuerdu dexa qu'un estudiante disponga d'una ayuda predoctoral pa realizar una investigación en Xeoloxía y Geosistemas del programa de doctoráu en Biogeociencias. La empresa apurre a esta convocatoria un importe que cubre'l salariu del estudiante mientres tres año, según los gastos de matrícula nel programa de doctoráu y los gastos derivaos de les xeres d'investigación.

    Realización d'un trabayu d'investigación postdoctoral en Xeoloxía. Esti tercer conveniu ufierta coles mesmes una ayuda pa les enseñances postdoctorales na disciplina de Xeoloxía. El desembolsu pal desenvolvimientu d'esta llínea per parte de Repsol correspuende al salariu del post-doc mientres dos años más los gastos causaos polos llabores d'investigación.

    La collaboración ente la Universidá d'Uviéu y Repsol supon una reconocencia a la calidá docente de la institución académica asturiana nel ámbitu de posgráu y a la investigación desenvuelta na área de Xeoloxía. Nel marcu del conveniu de collaboración, los representantes de la empresa Eduardo Figari, director de Xeoloxía de Repsol, y Begoña Amigu Marx, xeóloga d'esploración del Grupu Iberia de la multinacional; acompañaos pol profesor de Geología Josep Poblet, realizaron una visita a les instalaciones de los Servicios Científicu-Técnicos, empuestos por Emilio Ariño, y a la facultá de Xeoloxía pa ver de cerca los equipamientos d'investigación y esquizar nueves víes de cooperación. 


Buscar