Noticias

  • La Universidad de Oviedo y el SabadellHerrero entregan los diplomas a 60 universitarios en prácticasLa Universidá d'Uviéu y el SabadellHerrero apurren los diplomes a 60 universitarios en práctiques

    29 de Agostu 2014

    Les beques, que se desenvolvieron mientres xunetu y agostu, respuenden al compromisu de facilitar la formación d'estudiantes nes árees operatives empresariales

    La Universidá d'Uviéu y el bancu SabadellHerrero celebraron l'actu d'entrega de los diplomes a los 60 becarios universitarios que realizaron práctiques na entidá bancaria esti branu, en virtú del conveniu de collaboración esistente ente la Universidá y la Fundación Banco Sabadell.

    Nel actu tuvieron presentes el rector de la Universidá d'Uviéu, Vicente Gotor, y el director xeneral de SabadellHerrero, Pablo Junceda, acompañaos pol vicerrector d'Estudiantes, Luis Rodríguez Muñiz; el director d'Atención al Estudiante, Eduardo Rodríguez, y la directora de la Fundación Universidá d'Uviéu, Matilde Hoelscher,

    Estes práctiques son la resultancia de dos talos convenios de collaboración roblaos pola Universidá d'Uviéu con SabadellHerrero y la Fundación Banco Sabadell, y respuenden al compromisu de facilitar la formación d'estudiantes universitarios nes árees operatives empresariales.

    El rector, Vicente Gotor, tendió una mano a los becarios y punxo a la so disposición les ferramientes de les que dispon la Universidá pa ayudar nel so futuru.

    Pela so parte, el director xeneral de SabadellHerrero, Pablo Junceda, destacó l'importante papel que xuega la Universidá d'Uviéu na bona formación de los universitarios y animó a los becarios a siguir na llínea del esfuerzu como forma de progresar nel so futuru profesional. 


Buscar