Noticias

  • La Universidá d'Uviéu y l'Institutu Oftalmolóxicu Fernández-Vega roblen un conveniu de collaboración

    16 de Ochobre 2013

    El personal de PDI y PAS de la institución académica asturiana va esfrutar d'un descuentu del 20 per cientu nos servicios médicos qu'espacha l'Institutu

    Na imaxe axunta, el rector, Vicente Gotor, y el director del Institutu Oftalmolóxicu Fernández-Vega, Luis Fernández-Vega, en roblando'l conveniu.

    La Universidá d'Uviéu y l'Institutu Oftalmolóxicu Fernández-Vega suscribieron esta mañana un conveniu de collaboración pol qu'el PDI y la PAS de la institución académica asturiana van esfrutar de 20 per cientu de descuentu nos servicios médicos que s'espachen.

    El rector de la Universidá d'Uviéu, Vicente Gotor, y el director del Institutu Oftalmolóxicu Fernández-Vega, Luis Fernández-Vega, ratificaron l'alcuerdu esta mañana nel despachu oficial del rector.

    El conveniu ente dambes instituciones supon una medría nos beneficios sociales pal PDI y la PAS de la Universidá d'Uviéu. L'Institutu Oftalmolóxicu Fernández-Vega constitúi una referencia nel campu de la oftalmoloxía, auniendo la esperiencia de más de 125 años coles últimes meyores n'investigación y tratamientu de les enfermedaes oculares.


Buscar