Noticias

  • La Universidá d'Uviéu tresforma l'Edificiu Históricu nun gran Centru Cultural

    11 de Ochobre 2011

    LAUDEO (L'Antigua Universidá d'Uviéu) va cuntar con una programación centrada nel espardimientu de la conocencia científico y cultural xeneráu na institución académica.

    El poeta Fernando Beltrán junto al rector y al vicerrector de Extensión Universitaria

    La Universidá d'Uviéu dio un pasu definitivu na reorientación de la so Estensión Universitaria cola creación d'un gran centru cultural nel Edificiu Históricu, el so inmueble más emblemáticu nel centru de la ciudá. L'Antigua Universidá d'Uviéu (LAUDEO) va ser l'emblema que va arrexuntar tola programación cultural universitaria.

    El rector, Vicente Gotor, y el vicerrector d'Estensión Universitaria, Vicente Domínguez, presentaron esta mañana'l proyectu, que se pon en marcha colos mesmos recursos de la institución académica y que pretende "ejemplificar el nuesu compromisu cola sociedá, al traviés de la conocencia y la creación", en palabres del rector.

    El nome de LAUDEO foi creáu y donáu a la Universidá por Fernando Beltrán, poeta, impulsor de l'Aula de les Metáfores y "nombrador" de prestíu nacional. El mesmu Beltrán esplicó mientres la presentación d'esti proyectu la xénesis del nome, pal que trabayó con más de 400 palabres hasta llegar a LAUDEO, procedente del llatín; un nome curtiu y con fuerza", que remata cola "O" d'Uviéu (Oviedo) y tamién de "orbe, como una llamada d'atención sobre'l mundu, sobre lo global".

    La see central de LAUDEO va ser l'Edificiu Históricu de la Universidá, que va contribuyir amás a poner en valor el patrimoniu de la institución académica. El centru tien como principal oxetivu amosar a la sociedá y faela parte de la creación que se xenera nel senu de la institución académica en tolos ámbitos, nun marcu privilexáu como ye l'Edificiu Históricu.

    El proyectu arrinca colos actos entamaos en collaboración cola Fundación Príncipe d'Asturies por cuenta de la selmana d'entrega de los galardones. Les actividaes que se van desenvolver simbolicen de dalguna forma l'oxetivu del centru cultural: arte, ciencia y música.

    • Exposición "Transacciones. España na hestoria de la Royal Society", que va axuntar más de cien pieces orixinales de gran valor históricu y científicu. Ta comisariada pol profesor del departamentu de Filosofía de la Universidá d'Uviéu Armando Menéndez del Viso. Llugar: Biblioteca de la Universidá. Apertura al públicu, el llunes 17 d'ochobre a les 12:00 hores. Horariu: de llunes a sábadu de 9,00h a 21,00h y domingos de 9,00h a 15,00h.

    • Almuerzos científicos colos Premios Príncipe d'Asturies. Son alcuentros a puerta zarrada con investigadores y espertos tantu de la Universidá d'Uviéu como nacionales.
      • Miércoles, 19 d'ochobre (Investigación Científica y Técnica): Giacomo Rizzolatti (Capiya Universitaria) y Arturo Álvarez-Buylla (Paraninfu)
      • Xueves, 20 d'ochobre (Ciencies Sociales): Howard Gardner (Capiya Universidá)

    • Conciertu First we take Milán. El Campus del Milán y l'esplosión musical de los noventa. Homenaxe a Leonard Cohen de los artistes que revolucionaron la escena musical nesos años. Xueves, 20 d'ochobre, a les 21:30 hores nel Paraninfu.
      De la mano de Mar Álvarez (Pauline en la Playa), el conciertu va cuntar cola participación de Nacho Vegas, Xabel Vegas, Montse Álvarez, Roberto Nicieza, José Luis García, Fany Álvarez, Fernando Marín, Igor Paskual, Alicia Álvarez, Chus Neira y David Guardáu. Van Tar acompañaos d'una banda escoyida pa la ocasión: David Casillas (contrabaxu), Eva Díaz (batería), Jacobo de Miguel (teclaos), David Varela (acordión) y Ana Fernández (violín). Toos ellos formaron parte de la escena musical de los años 90 n'Asturies, en grupos como Manta Ray, Nosoträsh, Australian Blonde, Undershakers, Stormy Mondays, Babylon Chat, Pauline en la Playa o Elle Belga.

    LAUDEO tamién va promover distintes Aules temátiques, dalgunes yá en marcha: aules d'alderique, música pop-rock, poesía, narrativa, ópera, teatru y Aula de Música Iberoamericana "Grupu d'Uviéu". "La marca LAUDEO podrá vese en tolos rincones d'Asturies", esplicó Vicente Domínguez, qu'apostó per un centru cultural "vivu y sollerte a la collaboración con otres instituciones".

    El proyectu respuende tamién a la intención de recuperar l'espíritu inicial de la Estensión Universitaria, qu'arrincó nel Edificiu Históricu de la Universidá d'Uviéu, cuando'l 24 de noviembre de 1898 inauguróse'l primer cursu d'Estensión Universitaria de la hestoria, impartíu por Rafael Altamira, sol títulu Lleendes de la Hestoria d'España.


Buscar