Noticias

  • La Universidá d'Uviéu sumir al manifiestu del Día Internacional de la Muyer

    07 de Marzu 2012

    33 universidaes públiques españoles presenten esta iniciativa conxunta que reivindica la igualdá real ente muyeres y homes

    La Universidá d'Uviéu, al traviés de la so Unidá d'Igualdá de Xéneru, sumóse al manifiestu conmemorativo del Día Internacional de la Muyer presentáu pola RUIGEU (Rede d'Igualdá de Xéneru pa la Excelencia).

    El manifiestu representa la primer iniciativa conxunta llevada a cabu poles 33 universidaes públiques españoles que formen parte de la RUIGEU nel marcu de la celebración del 8 de marzu de 2012. Esti mensaxe unánime parte d'una idea: "namá les universidaes que funcionen sol prisma d'una igualdá real ente muyeres y homes pueden algamar la calidá y l'excelencia académiques". Coles mesmes, al traviés d'esti documentu, la RUIGEU quier espresar el so compromisu solidariu pa "siguir el trabayu, caltener los llogros consiguíos hasta'l momentu y algamar una igualdá real tantu na nuesa sociedá como nes nueses universidaes".

    Pela so parte, amás de lo relativo a esti manifiestu, la Unidá d'Igualdá de Xéneru de la Universidá d'Uviéu ufierta na so páxina web http://igualdad.uniovi.es información sobre tolos actos institucionales previstos pa conmemorar el 8 de marzu n'Asturies. Coles mesmes, nesta web pueden atopase y consultar los recursos en materia d'igualdá de la institución académica asturiana.

    Documentos Rellacionaos:


Buscar